Արեան նկատմամբ Աստուծոյ տեսակէտը

Արիւնը շատ կարեւոր է, քանի որ առանց անոր չենք կրնար ապրիլ։ Ստեղծիչը ըլլալով, Աստուած իրաւունքը ունի ըսելու, թէ արիւնը ինչպէ՛ս կրնայ գործածուիլ։ Ան արեան մասին ի՞նչ ըսած է։ Կարելի՞ է զայն ուտել կամ ներարկել, այսինքն՝ մարմինին մէջ մտցնել։ Եւ ինչպէ՞ս կրնաս այս հարցին շուրջ լաւ որոշումներ առնել։

1. Ի՞նչ է արեան նկատմամբ Եհովային տեսակէտը

Սուրբ Գիրքի ժամանակներուն, Եհովան զինք պաշտողներուն ըսաւ. «Ոեւէ մարմնի կենդանութիւնը իր արիւնն է» (Ղեւտացւոց 17։14)։ Եհովային համար, արիւնը կեանք կը ներկայացնէ։ Եւ որովհետեւ իր աչքին կեանքը սուրբ է, արիւնն ալ սուրբ է։

2. Ըստ Սուրբ Գիրքին, արիւնը ի՞նչ կերպերով պէտք չէ գործածուի

Քրիստոնէական ժողովքը հաստատուելէն առաջ, Եհովան զինք պաշտողներուն պատուիրեց, որ արիւն չուտեն (կարդա՛ Ծննդոց 9։4 եւ Ղեւտացւոց 17։10)։ Իսկ քրիստոնէական ժողովքը հաստատուելէն ետք, ան այս պատուէրը կրկնեց։ Կառավարիչ մարմինը քրիստոնեաներուն ուղղութիւն տուաւ, որ ‘ետ կենան արիւնէ’ (կարդա՛ Գործք 15։28, 29)։

Ի՞նչ կը նշանակէ արիւնէ ետ կենալ։ Եթէ բժիշկը քեզի ըսէ որ ետ կենաս ալքոլէ, զայն չես խմեր։ Բայց արդեօք կ’ուտե՞ս ուտելիքներ, որոնց մէջ ալքոլ կայ, կամ ալքոլը երակներուդ մէջ կը մտցնե՞ս։ Անշուշտ ոչ։ Նոյնպէս, արիւնէ ետ կենալու Աստուծոյ պատուէրը կը նշանակէ, թէ պէտք չէ արիւն խմենք, ոչ ալ ուտենք միս, որուն արիւնը չէ թափուած։ Եւ պէտք չէ ուտենք որեւէ ուտելիք, որուն մէջ արիւն աւելցուած է։

Իսկ ի՞նչ ըսել բժշկութեան մէջ արեան գործածութեան մասին։ Կարգ մը դարմանումներ յստակօրէն Աստուծոյ օրէնքը կը կտրեն։ Օրինակ՝ առնել լման արիւնը կամ անոր չորս գլխաւոր մասերէն մէկը. կարմիր գնդիկներ (red cells), ճերմակ գնդիկներ (white cells), թիթեղիկներ (platelets) եւ ջրարիւն (plasma)։ Ուրիշ պարագաներու, թերեւս յստակ չըլլայ թէ որոշ դարմանում մը Աստուծոյ օրէնքը կը կտրէ՛ կամ ոչ։ Օրինակ, թերեւս արեան գլխաւոր մասերուն աւելի պզտիկ մասնիկները (fractions) գործածուին, կամ ալ թերեւս անհատի՛ն արիւնը գործածուի։ Ուստի, մեզմէ իւրաքանչիւրը պէտք է ի՛ր որոշումը առնէ (Գաղատացիս 6։5)a։

ԱՒԵԼԻ՛ ՊՐՊՏԷ

3. Ընտրէ այնպիսի դարմանումներ, որոնք Եհովան պիտի հաճեցնեն

Ինչպէ՞ս կրնաս որոշումներ առնել, որոնք արեան նկատմամբ Աստուծոյ տեսակէտին համաձայն են։ Դիտեցէ՛ք ՎԻՏԷՈՆ եւ քննարկեցէ՛ք այս կարեւոր քայլերը։

ՎԻՏԷՕ. Ինչպէ՞ս կրնաս արիւնի հետ կապ ունեցող որոշումներ առնել (5։47)

• Աղօթքով իմաստութիւն խնդրէ (Յակոբոս 1։5)։

• Փնտռէ՛ սուրբգրային սկզբունքներ, եւ տե՛ս թէ անոնք պարագայիդ ինչպէ՛ս կը կիրարկուին (Առակաց 13։16)։

• Գիտցի՛ր թէ ապրած շրջանիդ մէջ ի՛նչ ընտրութիւններ կան։

• Տե՛ս թէ ո՛ր ընտրութիւնները յստակօրէն անընդունելի են քեզի համար։

• Վստահ եղիր թէ որոշումդ թոյլ պիտի տայ, որ մաքուր խիղճ պահպանես (Գործք 24։16)b։

• Ի մտի ունեցիր թէ ո՛չ մէկը պէտք է քեզի ըսէ, թէ խիղճի վերաբերող հարցերու մէջ ի՛նչ որոշում առնես, նոյնիսկ եթէ կողակիցդ է, երէց մըն է կամ քեզի հետ սերտող Վկան է (Հռովմայեցիս 14։12)։

• Որոշումդ գրէ։

4. Եհովայի վկաները լաւագոյն դարմանումը կը փնտռեն

Կարելի է արեան նկատմամբ Աստուծոյ օրէնքին հնազանդիլ եւ միեւնոյն ատեն լաւ դարմանում ստանալ։ Դիտեցէ՛ք ՎԻՏԷՈՆ։

ՎԻՏԷՕ. Փրոֆէսոր Մասիմօ Ֆրանքիի հետ հարցազրոյց (1։36)

Կարդացէ՛ք Տիտոս 3։2 եւ քննարկեցէ՛ք այս հարցումը.

• Ինչո՞ւ բժիշկներուն հետ միշտ յարգանքով եւ հեզութեամբ պէտք է խօսինք։

Ընդունելի չէ	Քրիստոնեան պէտք է որոշէ
Ա. Ջրարիւն (plasma)	Ջրարիւնի մասնիկներ
Բ. Ճերմակ գնդիկներ (white cells)	Ճերմակ գնդիկներու մասնիկներ
Գ. Թիթեղիկներ (platelets)	Թիթեղիկներու մասնիկներ
Դ. Կարմիր գնդիկներ (red cells)	Կարմիր գնդիկներու մասնիկներ

5. Երբ արեան մասնիկներ կը գործածուին

Արեան չորս գլխաւոր մասերն են. կարմիր գնդիկներ, ճերմակ գնդիկներ, թիթեղիկներ եւ ջրարիւն։ Անոնք ունին շատ մը աւելի պզտիկ մասնիկներc։ Կարգ մը մասնիկներ կը գործածուին հիւանդութիւններու դէմ դնելու համար կամ արիւնահոսութիւնը կեցնելու համար։

Ինչ որ կը վերաբերի արեան մասնիկներուն, իւրաքանչիւր քրիստոնեայ պէտք է ի՛ր որոշումը առնէ՝ Սուրբ Գիրքով մարզուած իր խիղճին հիման վրայ։ Թերեւս ոմանք որոշեն չընդունիլ արեան մասնիկներ պարունակող դարմանում մը։ Իսկ ոմանք ալ թերեւս զգան, թէ իրենց խիղճը թոյլ կու տայ, որ մասնիկներ ընդունին։

Երբ պիտի որոշես, նկատի առ այս հարցումը.

• Բժիշկիս ինչպէ՞ս պիտի բացատրէի, թէ ինչո՛ւ կը մերժեմ կամ կ’ընդունիմ արեան որոշ մասնիկներ գործածել։

ԱՄՓՈՓՈՒՄ

Եհովան կ’ուզէ որ արիւնը սուրբ նկատենք։

Վերաքաղ

• Եհովան ինչո՞ւ արիւնը սուրբ կը նկատէ։

• Ինչպէ՞ս գիտենք որ արիւնէ ետ կենալու Աստուծոյ պատուէրը արիւն առնելուն հետ կապ ունի։

• Ինչպէ՞ս կրնաս լաւ որոշումներ առնել՝ բժշկութեան մէջ արեան գործածութեան նկատմամբ։

ԱՒԵԼԻ՛Ն ԳԻՏՑԻՐ

Ի՞նչ բաներ նկատի պէտք է առնես որոշելէ առաջ, թէ այն դարմանումները, որոնք արիւնդ կը գործածեն, պիտի ընդունի՛ս կամ ոչ։

«Հարցումներ ընթերցողներէն» (Դիտարան 15 հոկտեմբեր 2000)

Ի՞նչ պէտք է նկատի առնես, երբ պիտի որոշես արեան մասնիկներ ընդունի՛լ կամ ոչ։

«Հարցումներ ընթերցողներէն» (յօդուած՝ Դիտարան–ին մէջ)

Ի՞նչ բան ձգեց որ բժիշկ մը համոզուի, թէ արեան նկատմամբ Եհովային տեսակէտը տրամաբանական է։

«Արիւնի վերաբերեալ Աստուծոյ տեսակէտը ընդունեցի» (յօդուած՝ Զարթի՛ր​–​ին մէջ)

Տե՛ս թէ «Հիւանդանոցներու հետ հաղորդակցող յանձնախումբ»ի մէջ ծառայող երէցները ինչպէ՛ս կ’օգնեն իրենց եղբայրներուն ու քոյրերուն։

Եհովան հիւանդներուն կ’օգնէ (10։23)