Սուրբ Գիրքի գլխաւոր նիւթը՝ Աստուծոյ Թագաւորութիւնն է։ Եհովան այդ Թագաւորութեան միջոցաւ, երկրին նկատմամբ իր բուն նպատակը պիտի իրականացնէ։ Ի՞նչ է Աստուծոյ Թագաւորութիւնը։ Ինչպէ՞ս գիտենք որ հիմա կ’իշխէ։ Արդէն ինչե՞ր ըրած է։ Եւ ապագային ինչե՞ր պիտի ընէ։ Այս դասը եւ յաջորդ երկու դասերը պիտի պատասխանեն այս հարցումներուն։

1. Ի՞նչ է Աստուծոյ Թագաւորութիւնը եւ ո՞վ է անոր Թագաւորը

Թագաւորութիւնը կառավարութիւն մըն է, որ Եհովա Աստուած հաստատած է։ Անոր Թագաւորը՝ Յիսուս Քրիստոս, երկինքէն կ’իշխէ (Մատթէոս 4։17. Յովհաննէս 18։36)։ Սուրբ Գիրքը Յիսուսի մասին կ’ըսէ, որ «յաւիտեան պիտի թագաւորէ» (Ղուկաս 1։32, 33)։ Ան երկրի բոլո՛ր մարդոց վրայ պիտի իշխէ։

2. Որո՞նք Յիսուսին հետ կ’իշխեն

Յիսուս մինակը չ’իշխեր։ Անհատներ ‘ամէն ցեղէ ու լեզուէ եւ ժողովուրդէ ու ազգէ. . . պիտի թագաւորեն’ (Յայտնութիւն 5։9, 10)։ Քրիստոսին հետ քանի՞ հոգի պիտի իշխէ։ Յիսուս երկիր գալէ ի վեր, միլիոնաւոր մարդիկ իր հետեւորդները դարձած են։ Բայց այդ ճշմարիտ քրիստոնեաներէն միայն 144,000 անհատներ երկինք կ’երթան՝ Յիսուսին հետ թագաւորելու (կարդա՛ Յայտնութիւն 14։1-4)։ Իսկ մնացեալ բոլոր իր հետեւորդները երկրի վրայ Թագաւորութեան հպատակները պիտի ըլլան (Սաղմոս 37։29)։

3. Ինչո՞ւ Աստուծոյ Թագաւորութիւնը մարդկային կառավարութիւններէն աւելի լաւ է

Նոյնիսկ երբ մարդկային կառավարիչները ջանք կ’ընեն որ լաւ բաներ ընեն, չեն կրնար իրենց ամէն ուզածը ընել։ Ի վերջոյ, անոնց տեղը կ’առնեն ուրիշ կառավարիչներ, որոնք կրնան անձնասէր ըլլալ եւ չուզել մարդոց օգնել։ Բայց Աստուծոյ Թագաւորութեան Կառավարիչին՝ Յիսուսին, տեղը բնա՛ւ մէկը պիտի չգայ։ Աստուած ‘թագաւորութիւն մը հանած է, որ յաւիտեան պիտի չաւերուի’ (Դանիէլ 2։44)։ Յիսուս ամբողջ երկրի վրայ պիտի իշխէ եւ մարդոց միջեւ զատողութիւն պիտի չդնէ։ Ան մարդոց հանդէպ գուրգուրանք ունի, ազնիւ եւ արդար է, եւ մարդոց պիտի սորվեցնէ, որ իրարու հետ նոյն կերպով վարուին՝ սիրով, ազնուութեամբ եւ արդարութեամբ (կարդա՛ Եսայի 11։9)։

4. Աստուծոյ Թագաւորութիւնը ամբողջ երկրի վրայ պիտի իշխէ

Յիսուս Քրիստոս աւելի մեծ իշխանութիւն ունի, քան պատմութեան մէջ ոեւէ կառավարիչ։ Կարդացէ՛ք Մատթէոս 28։18 եւ քննարկեցէ՛ք այս հարցումը.

• Ի՞նչ է տարբերութիւնը Յիսուսին իշխանութեան եւ ոեւէ մարդկային կառավարիչի իշխանութեան միջեւ։

Մարդկային կառավարութիւնները յաճախ կը փոխուին եւ ամէն մէկ կառավարութիւն երկրագունդին միայն մէկ մասին վրայ կ’իշխէ։ Ի՞նչ կրնանք ըսել Աստուծոյ Թագաւորութեան մասին։ Կարդացէ՛ք Դանիէլ 7։14 եւ քննարկեցէ՛ք այս հարցումները.

• Քու կարծիքովդ, ինչո՞ւ լաւ է որ Աստուծոյ Թագաւորութիւնը «պիտի չաւերուի»։

• Քու կարծիքովդ, ինչո՞ւ լաւ է որ անիկա ամբո՛ղջ երկրի վրայ պիտի իշխէ։

5. Մարդկային իշխանութիւնը պէ՛տք է վերջ գտնէ

Ինչո՞ւ Աստուծոյ Թագաւորութիւնը պէ՛տք է մարդկային կառավարութիւններուն տեղը առնէ։ Դիտեցէ՛ք ՎԻՏԷՈՆ եւ քննարկեցէ՛ք այս հարցումը։

ՎԻՏԷՕ. Ի՞նչ է Աստուծոյ Թագաւորութիւնը. հատուած (1։41)

• Մարդկային իշխանութեան արդիւնքը ի՞նչ եղած է։

Կարդացէ՛ք Ժողովող 8։9 եւ քննարկեցէ՛ք այս հարցումները.

• Կը կարծե՞ս որ Աստուծոյ Թագաւորութիւնը մարդկային կառավարութիւններուն տեղը պէ՛տք է առնէ։ Ինչո՞ւ։

6. Աստուծոյ Թագաւորութեան իշխանները մեզ կը հասկնան

Որովհետեւ մեր Թագաւորը՝ Յիսուս, որպէս մարդ ապրած է, կրնայ մեր «տկարութիւններուն կարեկից ըլլալ» (Եբրայեցիս 4։15)։ 144,000 հաւատարիմ տղամարդիկն ու կիները, որոնք Յիսուսին հետ պիտի իշխեն, Եհովայի կողմէ ընտրուած են «ամէն ցեղէ ու լեզուէ եւ ժողովուրդէ ու ազգէ» (Յայտնութիւն 5։9)։

• Կը մխիթարուի՞ս գիտնալով, որ Յիսուս եւ իր իշխանակիցները որպէս մարդ ապրած են։ Ինչո՞ւ։

7. Աստուծոյ Թագաւորութեան օրէնքները շա՜տ աւելի լաւ են

Կառավարութիւնները օրէնքներ կը դնեն, որոնք իրենց հպատակներուն օգտակար կ’ըլլան եւ զիրենք կը պաշտպանեն։ Աստուծոյ Թագաւորութիւնն ալ օրէնքներ ունի, եւ իր հպատակները անոնց պէտք է հնազանդին։ Կարդացէ՛ք Ա. Կորնթացիս 6։9-11 եւ քննարկեցէ՛ք այս հարցումները.

• Քու կարծիքովդ, աշխարհը ինչպէ՞ս պիտի ըլլայ, երբ ամէն մարդ հետեւի վարուելակերպի նկատմամբ Աստուծոյ օրէնքներունa։

• Կը կարծե՞ս որ տրամաբանական է, որ Եհովան Թագաւորութեան հպատակներէն պահանջէ այդ օրէնքները յարգել։ Ինչո՞ւ։

• Ի՞նչ բան ցոյց կու տայ թէ մարդիկ, որոնք այդ օրէնքներուն չեն հնազանդիր, կրնա՛ն փոխուիլ (տե՛ս համար 11)։

ԱՄՓՈՓՈՒՄ

Աստուծոյ Թագաւորութիւնը երկնքին մէջ իսկական կառավարութիւն մըն է, որ պիտի իշխէ ամբողջ երկրի վրայ։

Վերաքաղ

• Որո՞նք են Աստուծոյ Թագաւորութեան մէջ իշխողները։

• Ինչո՞ւ Աստուծոյ Թագաւորութիւնը մարդկային կառավարութիւններէն աւելի լաւ է։

• Եհովան ի՞նչ կարգ մը բաներ կը պահանջէ Թագաւորութեան հպատակներէն։

ԱՒԵԼԻ՛Ն ԳԻՏՑԻՐ

Տե՛ս թէ Յիսուս ի՛նչ սորվեցուց Թագաւորութեան ո՛ւր ըլլալուն մասին։

«Աստուծոյ Թագաւորութիւնը մեր սրտին մէ՞ջ է» (յօդուած՝ մեր կայքին վրայ)

Ինչո՞ւ Եհովայի վկաներուն համար աւելի կարեւոր է որ Աստուծոյ Թագաւորութեան հաւատարիմ ըլլան, քան՝ մարդկային իշխանութեան։

Միայն Աստուծոյ Թագաւորութեան կողմը դիրք կը բռնենք (1։44)

Նկատի առ թէ Աստուածաշունչը ի՛նչ կը յայտնէ 144,000–ի մասին, որոնք Եհովան կ’ընտրէ, որպէսզի Յիսուսին հետ իշխեն։

«Որո՞նք երկինք կ’երթան» (յօդուած՝ մեր կայքին վրայ)

Բանտին մէջ, կին մը ինչպէ՞ս համոզուեցաւ որ միայն Աստուած կրնայ արդար աշխարհ մը բերել։

«Սորվեցայ որ ինչո՛ւ անարդարութիւն կայ» (յօդուած՝ Զարթի՛ր–ին մէջ, արաբ.)

Աստուծոյ Թագաւորութիւնը երկինքի մէջ սկսաւ իշխել 1914–ին։ Այդ տարին, նաեւ մարդկային իշխանութեան վերջին օրերը սկսան։ Ինչպէ՞ս գիտենք։ Նկատի առ Սուրբ Գիրքի մարգարէութիւնները ու այն վիճակները եւ մարդոց բնաւորութիւնները, որոնք 1914–էն ի վեր կը տեսնենք։

1. Սուրբ Գիրքը ի՞նչ մարգարէացաւ

Սուրբ Գիրքի Դանիէլ գիրքը ցոյց կու տայ, թէ Աստուծոյ Թագաւորութիւնը պիտի սկսէր իշխել ժամանակամիջոցէ մը ետք, որ կը կոչուի «եօթը ժամանակ» (Դանիէլ 4։16, 17)։ Հարիւրաւոր տարիներ ետք, Յիսուս այդ նոյն ժամանակամիջոցը կոչեց «ազգերուն ժամանակները», եւ ըսաւ որ այդ ժամանակամիջոցը դեռ չէր վերջացած (Ղուկաս 21։24)։ Ինչպէս որ պիտի տեսնենք, եօթը ժամանակը վերջ գտաւ 1914–ին։

2. 1914–էն ի վեր, ի՞նչ վիճակներ եւ բնաւորութիւններ կը տեսնենք

Յիսուսի աշակերտները իրեն հարցուցին. «Քու գալուստիդ [«ներկայութեանդ», ՆԱ] ու աշխարհիս վերջին նշանը ի՞նչ պիտի ըլլայ» (Մատթէոս 24։3)։ Յիսուս պատասխանեց, մարգարէանալով թէ շատ բաներ պիտի ըլլային, երբ երկինքի մէջ սկսէր իշխել որպէս Աստուծոյ Թագաւորութեան Թագաւորը. օրինակ՝ պատերազմներ, սովեր եւ երկրաշարժներ (կարդա՛ Մատթէոս 24։7)։ Սուրբ Գիրքը նաեւ մարգարէացաւ, որ «վերջին օրեր»ուն, «չար ժամանակներ» պիտի գային, քանի որ մարդոց բնաւորութիւնները կեանքը ա՛լ աւելի պիտի դժուարացնէին (Բ. Տիմոթէոս 3։1-5)։ Այս վիճակները եւ բնաւորութիւնները մանաւանդ յայտնի եղած են 1914–էն ի վեր։

3. Աստուծոյ Թագաւորութիւնը իշխելու սկսելէն ի վեր, վիճակները ինչո՞ւ այսքան գէշ եղած են

Յիսուս Աստուծոյ Թագաւորութեան Թագաւորը ըլլալէ կարճ ժամանակ ետք, ան երկինքին մէջ պատերազմեցաւ Սատանային եւ անոր դեւերուն դէմ։ Սուրբ Գիրքը կ’ըսէ, որ Սատանան «վար ձգուեցաւ» եւ «իր հրեշտակներն ալ իրեն հետ վար ձգուեցան երկրի վրայ» (Յայտնութիւն 12։9, 10, 12)։ Սատանան շատ բարկացած է, քանի որ գիտէ թէ պիտի կործանի։ Ան մեծ ցաւ եւ չարչարանք կը պատճառէ ամբողջ աշխարհին մէջ։ Ուրեմն զարմանալի չէ, որ աշխարհի վիճակները այսքան գէշ են։ Աստուծոյ Թագաւորութիւնը բոլոր այս խնդիրները մէջտեղէն պիտի վերցնէ։

ԱՒԵԼԻ՛ ՊՐՊՏԷ

4. Ըստ Սուրբ Գիրքի մարգարէութիւններուն, Թագաւորութիւնը սկսաւ իշխել 1914–էն ի վեր

ՎԻՏԷՕ. Աստուծոյ Թագաւորութիւնը սկսաւ իշխել 1914–ին (5։02)

Աստուած Բաբելոնի Նաբուգոդոնոսոր թագաւորին երազ մը տուաւ, որ ցոյց կու տար թէ ապագային ի՛նչ պիտի ըլլար։ Այդ երազը եւ անոր բացատրութիւնը, որ Դանիէլ տուաւ, ցոյց կու տան որ երազը թէ՛ Նաբուգոդոնոսորի իշխանութեան եւ թէ Աստուծոյ Թագաւորութեան մասին էր (կարդացէ՛ք Դանիէլ 4։17)a։

Կարդացէ՛ք Դանիէլ 4։20-26 եւ ետքը նկարին օգնութեամբ քննարկեցէ՛ք այս հարցումները.

• Ա) Նաբուգոդոնոսոր իր երազին մէջ ի՞նչ տեսաւ (տե՛ս համար 20 եւ 21)։

• Բ) Ծառին ի՞նչ պիտի ըլլար (տե՛ս համար 23)։

• Գ) «Եօթը ժամանակ»ը լրանալէ ետք, ի՞նչ տեղի պիտի ունենար (տե՛ս համար 26)։

Ծառին մասին երազը ինչպէ՞ս կապ ունի Աստուծոյ Թագաւորութեան հետ

ՄԱՐԳԱՐԷՈՒԹԻՒՆԸ (Դանիէլ 4։20-36)

Իշխանութիւն

Ա) Հսկայ ծառ մը

Իշխանութիւնը կը կենայ

Բ) «Ծառը կտրեցէ՛ք» եւ թող «եօթը ժամանակ անցնի»

Իշխանութիւնը ետ կը սկսի

Գ) «Քու թագաւորութիւնդ պիտի վերահաստատուի»

Այս մարգարէութեան առաջին կատարումին մէջ՝

• Դ) Ծառը ո՞վ կը ներկայացնէր (տե՛ս համար 22)։

• Ե) Իր իշխանութիւնը ինչպէ՞ս կեցաւ (կարդացէ՛ք Դանիէլ 4։29-33)։

• Զ) «Եօթը ժամանակ»ը լրանալէ ետք, Նաբուգոդոնոսորին ի՞նչ եղաւ (կարդացէ՛ք Դանիէլ 4։34-36)։

ԱՌԱՋԻՆ ԿԱՏԱՐՈՒՄ

Իշխանութիւն

Դ) Բաբելոնի թագաւորը՝ Նաբուգոդոնոսոր

Իշխանութիւնը կը կենայ

Ե) Ք.Ա. 606–էն ետք, Նաբուգոդոնոսոր իր խելքը կը կորսնցնէ եւ եօթը տարի չի կրնար իշխել

Իշխանութիւնը ետ կը սկսի

Զ) Նաբուգոդոնոսորին խելքը իրեն կը վերադառնայ եւ ետ կը սկսի իշխել

Այս մարգարէութեան երկրորդ կատարումին մէջ՝

• Է) Ծառը ո՞վ կը ներկայացնէր (կարդացէ՛ք Ա. Մնացորդաց 29։23)։

• Ը) Անոնց իշխանութիւնը ե՞րբ կեցաւ։ Ինչպէ՞ս գիտենք, որ անոնք դեռ չէին իշխեր, երբ Յիսուս երկրի վրայ էր (կարդացէ՛ք Ղուկաս 21։24)։

• Թ) Այս իշխանութիւնը ե՞րբ եւ ո՞ւր վերսկսաւ։

ԵՐԿՐՈՐԴ ԿԱՏԱՐՈՒՄ

Իշխանութիւն

Է) Իսրայէլացի թագաւորներ, որոնք Աստուծոյ իշխանութիւնը կը ներկայացնեն

Իշխանութիւնը կը կենայ

Ը) Երուսաղէմ կը կործանուի, եւ Աստուծոյ իշխանութիւնը ներկայացնող իսրայէլացի թագաւորներ ա՛լ չեն իշխեր 2520 տարի

Իշխանութիւնը ետ կը սկսի

Թ) Երկինքին մէջ Յիսուս կը սկսի իշխել որպէս Աստուծոյ Թագաւորութեան Թագաւորը

5. 1914–էն ի վեր աշխարհը փոխուած է

Դիտեցէ՛ք ՎԻՏԷՈՆ։

ՎԻՏԷՕ. 1914–էն ի վեր աշխարհը փոխուած է (1։10)

Յիսուս մարգարէացաւ որ աշխարհին մէջ ի՛նչ վիճակներ պիտի տիրէին, ինք Թագաւոր ըլլալէն ետք։ Կարդացէ՛ք Ղուկաս 21։9-11 եւ քննարկեցէ՛ք այս հարցումը.

• Այս վիճակներէն որո՞նք տեսած ես կամ լսած ես։

Պօղոս առաքեալ նկարագրեց, թէ մարդիկ ինչպէ՛ս պիտի ըլլային մարդկային իշխանութեան վերջին օրերուն ընթացքին։ Կարդացէ՛ք Բ. Տիմոթէոս 3։1-5 եւ քննարկեցէ՛ք այս հարցումը.

• Նկատա՞ծ ես որ մարդիկ այսպէս կը վարուին։

6. Ցոյց տուր որ կը հաւատաս, թէ Աստուծոյ Թագաւորութիւնը հիմա կ’իշխէ

Կարդացէ՛ք Մատթէոս 24։3, 14 եւ քննարկեցէ՛ք այս հարցումները.

• Ի՞նչ կարեւոր գործ մը ցոյց կու տայ, որ Աստուծոյ Թագաւորութիւնը հիմա կ’իշխէ։

• Ինչպէ՞ս կրնաս այս գործին մասնակցիլ։

Աստուծոյ Թագաւորութիւնը հիմա կ’իշխէ, եւ շուտով կը հասնի այն օրը, երբ ամբողջ երկրի վրայ լիովին պիտի իշխէ։ Կարդացէ՛ք Եբրայեցիս 10։24, 25 եւ քննարկեցէ՛ք այս հարցումը.

• Իւրաքանչիւրս ի՞նչ պէտք է ընենք, մինչ «այն օրուան մօտենալը» կը տեսնենք։

ԱՄՓՈՓՈՒՄ

Մարգարէութիւնները եւ աշխարհի վիճակները կը փաստեն, որ Թագաւորութիւնը հիմա կ’իշխէ։ Կը յայտնենք որ ասոր կը հաւատանք, Թագաւորութեան մասին քարոզելով եւ ժողովներուն ներկայ ըլլալով։

Վերաքաղ

• Ի՞նչ պատահեցաւ Դանիէլ գիրքին մէջ մարգարէացուած եօթը ժամանակը լրանալէ ետք։

• Ի՞նչը քեզ կը համոզէ, որ Աստուծոյ Թագաւորութիւնը սկսաւ իշխել 1914–ին։

• Ինչպէ՞ս կրնաս ցոյց տալ, թէ կը հաւատաս որ Թագաւորութիւնը հիմա կ’իշխէ։

ԱՒԵԼԻ՛Ն ԳԻՏՑԻՐ

Նկատի առ թէ պատմաբաններ եւ ուրիշներ ի՛նչ կ’ըսեն՝ 1914–էն ի վեր աշխարհի մէջ եղած փոփոխութիւններուն մասին։

«Երբ աշխարհի բարոյական մակարդակը յանկարծ ցածցաւ» (Զարթի՛ր ապրիլ 2007, արաբ.)

Կարդա՛ թէ Մատթէոս 24։14–ի մարգարէութիւնը ինչպէ՛ս ազդեց մարդու մը կեանքին։

«Ամէնէն շատ պէյսպոլ կը սիրէի» (Դիտարան 2017–ի թիւ 3)

Ինչպէ՞ս գիտենք որ Դանիէլ 4–րդ գլուխին մէջ գրուած մարգարէութիւնը կապ ունի Աստուծոյ Թագաւորութեան հետ։

«Աստուծոյ Թագաւորութիւնը ե՞րբ սկսաւ իշխել (Մաս 1)» (Դիտարան 1 հոկտեմբեր 2014)

Ի՞նչը ցոյց կու տայ որ Դանիէլ 4–րդ գլուխին մէջ յիշուած «եօթը ժամանակ»ը վերջ գտաւ 1914–ին։

«Աստուծոյ Թագաւորութիւնը ե՞րբ սկսաւ իշխել (Մաս 2)» (Դիտարան 1 նոյեմբեր 2014)

Աստուծոյ Թագաւորութիւնը արդէն կ’իշխէ։ Մօտ ատենէն, երկրի վրայ մեծ փոփոխութիւններ պիտի ընէ։ Նկատի առնենք Թագաւորութեան իրագործելիք բաներէն ոմանք, որոնց կրնաս յոյսով սպասել։

1. Աստուծոյ Թագաւորութիւնը ինչպէ՞ս երկրի վրայ խաղաղութիւն եւ արդարութիւն պիտի բերէ

Յիսուս՝ Աստուծոյ Թագաւորութեան Թագաւորը, չար մարդիկը եւ կառավարութիւնները պիտի կործանէ Արմագեդոն պատերազմին (Յայտնութիւն 16։14, 16)։ Այն ատեն, լման կերպով պիտի կատարուի Սուրբ Գիրքին այս խոստումը. «Քիչ ժամանակէ յետոյ ամբարիշտը պիտի չքանայ» (Սաղմոս 37։10)։ Թագաւորութեան միջոցով, Յիսուս երկիրը խաղաղութեամբ եւ արդարութեամբ պիտի լեցնէ (կարդա՛ Եսայի 11։4)։

2. Կեանքը ինչպէ՞ս պիտի ըլլայ, երբ երկրի վրայ Աստուծոյ կամքը կատարուի

Աստուծոյ Թագաւորութեան իշխանութեան տակ, «արդարները պիտի ժառանգեն երկիրը ու յաւիտեան անոր մէջ պիտի բնակին» (Սաղմոս 37։29)։ Երեւակայէ թէ կ’ապրիս աշխարհի մը մէջ, ուր բոլոր մարդիկ արդար են ու կը սիրեն Եհովան եւ իրար։ Ո՛չ մէկը պիտի հիւանդանայ եւ ամէն մարդ յաւիտեան պիտի ապրի։

3. Չարերը մէջտեղէն վերցուելէն ետք, Աստուծոյ Թագաւորութիւնը ի՞նչ բաներ պիտի իրականացնէ

Չարերը մէջտեղէն վերցուելէն ետք, Յիսուս 1000 տարի պիտի թագաւորէ։ Այդ ատեն ինք եւ իր 144,000 իշխանակիցները մարդոց պիտի օգնեն, որ կատարեալ ըլլան։ 1000 տարուան վերջաւորութեան, ամբողջ երկիրը գեղեցիկ դրախտ պիտի ըլլայ եւ բոլոր մարդիկ ուրախ պիտի ըլլան՝ հնազանդելով Եհովայի օրէնքներուն։ Այն ատեն, Յիսուս իր իշխանութիւնը իր Հօր՝ Եհովային, պիտի յանձնէ։ Որեւէ ժամանակէ աւելի, Եհովայի ‘անունը սուրբ պիտի ըլլայ’ (Մատթէոս 6։9, 10)։ Փաստուած պիտի ըլլայ, թէ Եհովան լաւ Կառավարիչ մըն է, որ իր հպատակները կը հոգայ։ Եհովան պիտի կործանէ Սատանան, դեւերը եւ ոեւէ մէկը, որ կ’որոշէ իր իշխանութեան դէմ ըմբոստանալ (Յայտնութիւն 20։7-10)։ Աստուծոյ Թագաւորութեան բերած կատարեալ պայմանները յաւիտեան պիտի մնան։

ԱՒԵԼԻ՛ ՊՐՊՏԷ

4. Աստուծոյ Թագաւորութիւնը մարդկային կառավարութիւններուն վերջ պիտի դնէ

«Մարդ մը ուրիշ մարդու վրայ կ’իշխէ իրեն թշուառութեան [կամ՝ վնասին] համար» (Ժողովող 8։9)։ Եհովան իր Թագաւորութեան միջոցով, այս անարդարութեան վերջ պիտի դնէ։

Կարդացէ՛ք Դանիէլ 2։44 եւ Բ. Թեսաղոնիկեցիս 1։6-8 ու քննարկեցէ՛ք այս հարցումները.

• Եհովան եւ իր Որդին՝ Յիսուսը, ի՞նչ պիտի ընեն մարդկային կառավարութիւններուն եւ անոնց թիկունք կանգնողներուն։

• Եհովայի եւ Յիսուսի մասին սորվածներդ ինչպէ՞ս քեզ կը վստահեցնեն, որ անոնք արդարութեամբ պիտի վարուին։

5. Յիսուս ամենալաւ Թագաւորն է

Որպէս Աստուծոյ Թագաւորութեան Թագաւորը, Յիսուս շա՜տ բան պիտի ընէ իր երկրային հպատակներուն օգտին համար։ Դիտեցէ՛ք ՎԻՏԷՈՆ եւ տեսէք թէ Յիսուս արդէն ինչպէ՛ս ցոյց տուած է, որ մարդոց օգնելու թէ՛ փափաքը ունի եւ թէ Աստուծմէ տրուած զօրութիւնը։

ՎԻՏԷՕ. Յիսուս ցոյց տուաւ որ Թագաւորութիւնը ինչեր պիտի իրագործէ (1։13)

Երկրի վրայ եղած ատեն ինչ որ Յիսուս ըրաւ, ցոյց տուաւ թէ Թագաւորութիւնը ի՛նչ բաներ պիտի իրագործէ։ Հետեւեալ օրհնութիւններէն որո՞նց մանաւանդ կը սպասես։ Կարդացէ՛ք օրհնութիւններուն քով դրուած համարները։

6. Աստուծոյ Թագաւորութիւնը գեղեցիկ ապագայ մը պիտի բերէ

ՎԻՏԷՕ. Ի՞նչ գեղեցիկ ապագայ կը սպասէ մեզի (4։38)

Կարդացէ՛ք Սաղմոս 145։16 եւ քննարկեցէ՛ք այս հարցումը.

• Ինչպէ՞ս կը զգաս գիտնալով, որ Եհովան ամէն ապրող արարածի փափաքը պիտի լեցնէ։

ԱՄՓՈՓՈՒՄ

Թագաւորութիւնը իր նպատակը պիտի իրագործէ։ Երկիրը դրախտի պիտի վերածէ, ուր բարի մարդիկ Եհովան պիտի պաշտեն յաւիտեան։

Վերաքաղ

• Թագաւորութիւնը ինչպէ՞ս Եհովայի անունը պիտի սրբացնէ։

• Ինչո՞ւ կրնանք հաւատալ, որ Աստուծոյ Թագաւորութիւնը Սուրբ Գիրքին խոստումները պիտի կատարէ։

• Թագաւորութեան օրհնութիւններէն ո՞ր մէկը ամէնէն շատ կ’ուզես տեսնել։

ԱՒԵԼԻ՛Ն ԳԻՏՑԻՐ

Գիտցի՛ր թէ Արմագեդոն ի՛նչ կը նշանակէ։

«Արմագեդոն պատերազմը ի՞նչ է» (յօդուած՝ մեր կայքին վրայ)

Նկատի առ թէ ի՛նչ դէպքեր տեղի պիտի ունենան Յիսուսի նշած ‘մեծ նեղութեան’ ընթացքին (Մատթէոս 24։21)։

«Ի՞նչ է մեծ նեղութիւնը» (յօդուած՝ մեր կայքին վրայ)

Տե՛ս թէ ընտանիքը ինչպէ՛ս կրնայ միասնաբար երեւակայել Թագաւորութեան օրհնութիւնները։

Դուն քեզ երեւակայէ Դրախտին մէջ (1։50)

«Միտքս լեցուած էր շատ մը հարցումներով» յօդուածին մէջ, կարդա՛ քաղաքական ըմբոստի մը մասին, որ իր հարցումներուն պատասխանները գտաւ։

«Աստուածաշունչը կեանքեր կը փոխէ» (Դիտարան 1 յունուար 2012, արաբ.)