ՔՐԻՍՏՈՆԷԱՎԱՅԵԼ ԱՊՐԵԼԱԿԵՐՊ
Կեանքը վայելէ յաւիտեա՛ն գիրքին օգտակար մասերը
Կը սիրե՞ս Կեանքը վայելէ յաւիտեա՛ն գիրքին վիտէօները եւ միտք գրգռող հարցումները գործածել։ Իսկ «Կարգ մը մարդիկ կ’ըսեն», «Աւելի՛ն գիտցիր» եւ «Նպատակակէտ» բաժիններուն մասին ի՞նչ է կարծիքդ։ Ուրիշ ի՞նչ բաներ գործնական կը գտնես, մինչ մէկու մը դասը կը վարես (Մատ. 28։19, 20)։
Հրատարակութիւնները. Եթէ տպուած գիրքը կը գործածես, ինչպէ՞ս կրնաս բոլոր վիտէօներն ու աղբիւրները նոյն տեղը գտնել։ Գիրքին ելեկտրոնային ձեւին մէջ, զատէ գլխաւոր չորս մասերէն մէկը։ Դասերուն վերնագիրներու ցանկին ամէնէն վարը կը գտնես այդ մասին բոլոր աղբիւրները (տե՛ս նկար 1)։
«Printed Edition» ընտրութիւնը. Եթէ գիրքին ելեկտրոնային ձեւը կը գործածես, թերեւս օգտակար գտնես ատեն–ատեն «Printed Edition» ընտրութիւնը զատել մինչ դաս կը վարես։ Ասիկա ընելու համար, էջին վերը գտնուող երեք կէտերուն վրայ սեղմէ եւ «Printed Edition»ը զատէ։ Ասիկա կրնայ քեզի օգնել որ միտքդ պահես, թէ քննարկուած նիւթը ինչպէ՛ս կապուած է դասին ընդհանուր նիւթին հետ։ Ելեկտրոնային ձեւին դառնալու համար, նորէն սեղմէ երեք կէտերուն վրայ եւ ընտրէ «Digital Edition»ը։
«Պատրա՞ստ եմ». Գիրքին վերջաւորութեան գտնուող այս շրջանակները կը ցուցնեն, որ ի՛նչ պահանջուած է որ մէկը քարոզէ եւ մկրտուի (տե՛ս նկար 2)։
Բացատրութիւններ. Ասոնք աւելի մանրամասնօրէն կը բացատրեն կարգ մը կարեւոր նիւթեր։ Գիրքին ելեկտրոնային ձեւին մէջ, ամէն մէկ բացատրութեան վերջաւորութեան կայ կապ մը (link), որ քեզ ետ կը տանի ուր որ դասին մէջ հասած էիր (Տե՛ս նկար 2)։
Յառաջդիմող աշակերտներուդ հետ ամբողջ գիրքը սերտէ, նոյնիսկ եթէ անոնք մկրտուին առաջ որ լման գիրքը սերտեն։ Այս պարագային, դեռ կրնաս հաշուել ժամը, վերայցելութիւնները եւ դասը։ Եթէ հետդ հրատարակիչ մը կայ դասի ժամանակ, ինքն ալ կրնայ ժամը հաշուել։