Abụ Ọma

 2 Chineke m, ọ bụ gị ka m tụkwasịrị obi;+

Ekwela ka ihere mee m.

Ekwela ka ndị iro m ṅụrịa ọṅụ n’ihi ihe mere m.+

 3 Ọ dịghịkwa onye nwere olileanya n’ebe ị nọ ihere ga-eme.+

Ihere ga-eme ndị na-aghọ aghụghọ n’efu.+

 4 Jehova, biko, mee ka m mara ụzọ gị;+

Zi m ụzọ gị.+

 5 Mee ka m jee ije n’eziokwu gị, kụziere m ihe,+

N’ihi na ị bụ Chineke nke nzọpụta m.+

ו [Wọọ]

Ọ bụ n’ebe ị nọ ka olileanya m dị ogologo ụbọchị dum.+

 6 Jehova, biko, cheta ebere gị+ na obiọma* gị,+

N’ihi na ha dị malite na mgbe ebighị ebi.+

 7 Biko, echetala mmehie m mere n’oge m bụ nwata nakwa nnupụisi m.+

Cheta m dị ka obiọma gị si dị,+

N’ihi ịdị mma gị, Jehova.+

 8 Jehova dị mma, bụrụkwa onye ezi omume.+

Ọ bụ ya mere o ji ezi ndị mmehie ụzọ.+

 9 Ọ ga-eme ka ndị dị umeala n’obi na-eje ije ná mkpebi ikpe ya,+

Ọ ga-ezikwa ndị dị umeala n’obi ụzọ ya.+

10 Ụzọ Jehova niile bụ obiọma na eziokwu

Nye ndị na-edebe ọgbụgba ndụ ya+ na ihe ncheta ya.+

11 N’ihi aha gị, Jehova,+

Biko, gbaghara njehie m, n’ihi na ọ dị ukwuu.+

12 Olee onye na-atụ egwu Jehova?+

Ọ ga-ezi ya ụzọ ọ ga-ahọrọ.+

13 Mkpụrụ obi ya ga-ebi n’ịdị mma,+

Ụmụ ya ga-enweta ụwa.+

14 Ọ bụ ndị na-atụ egwu Jehova ka ya na ha na-enwe mmekọrịta chiri anya,+

Ọ bụkwa ya na ha na-agba ndụ, iji mee ka ha mara ọgbụgba ndụ ya.+

15 Anya m dị n’ebe Jehova nọ mgbe niile,+

N’ihi na ọ bụ ya na-adọpụta ụkwụ m n’ụgbụ.+

16 Chee ihu n’ebe m nọ, meere m amara;+

N’ihi na anọ m naanị m, anọkwa m n’ahụhụ.+

17 Ihe na-enye m nsogbu n’obi adịwo ọtụtụ;+

Mee ka m si ná nsogbu m nọ na ya pụta.+

18 Hụrụ ahụhụ m na nsogbu m,+

Gbagharakwa m mmehie m niile.+

19 Lee ka ndị iro m si dị ọtụtụ,+

Ha kpọkwara m asị nke ukwuu.+

20 Chee mkpụrụ obi m nche ma napụta m.+

Ekwela ka ihere mee m, n’ihi na agbabawo m n’ime gị.+

21 Ka iguzosi ike n’ezi ihe na ezi omume chebe m,+

N’ihi na enwere m olileanya n’ebe ị nọ.+