Abụ Ọma

Maka onye na-eduzi abụ. Abụ Devid.

20 Ka Jehova za gị n’ụbọchị ị na-ata ahụhụ.

Ka aha Chineke Jekọb chebe gị.+

2 Ka o si n’ebe nsọ ya nyere gị aka,+

Ka o sikwa na Zayọn kwado gị.+

3 Ka o cheta onyinye niile i nyere ya.

Ka o jiri obiọma nabata àjà i suuru ya ọkụ. (Sila)

4 Ka o meere gị ihe niile obi gị chọrọ,+

Meekwa ka ihe niile i bu n’obi ime gaziere gị.

5 Anyị ga-eti mkpu ọṅụ n’ihi na ị na-azọpụta anyị.+

Anyị ga-ebuli ihe àmà anyị elu iji too aha Chineke anyị.+

Ka Jehova mezuo ihe niile ị na-arịọ ya.

6 Ugbu a, amarala m na Jehova na-azọpụta onye o tere mmanụ.+

Ọ na-esi n’eluigwe ya dị nsọ za ya,

Wee jiri aka ya siri ike* zọpụta ya.+

7 Ụfọdụ na-atụkwasị ụgbọ ịnyịnya obi, ndị ọzọ na-atụkwasị ịnyịnya obi,+

Ma ọ bụ aha Jehova Chineke anyị ka anyị na-akpọ.+

8 Ha adaala kụọ afọ n’ala,

Ma anyị ebiliela, e meekwala ka anyị kwụrụ chịm.+

9 Jehova, biko, zọpụta eze.+

Ọ ga-aza anyị n’ụbọchị anyị kpọrọ ya ka o nyere anyị aka.+