15 “Erọn na ụmụ ya ndị nwoke ga-eji ihe sachichaa ebe nsọ ahụ+ na arịa niile e ji eje ozi n’ebe nsọ mgbe ndị Izrel na-akwaga ebe ọzọ. Ụmụ Kohat ndị nwoke ga-abatazi ka ha buru ha.+ Ma ha agaghị emetụ ebe nsọ ahụ aka ka ha ghara ịnwụ.+ Ihe ndị a bụ ọrụ ụmụ Kohat ndị nwoke ga na-arụ n’ụlọikwuu nzute.

20 Ụmụ Kohat agaghị abata hụ ihe ndị dị nsọ, ha agaghịdị ahụpere ya ahụpere. Ọ bụrụ na ha abata hụ ha, ha ga-anwụ.”+

39 Elieza onye nchụàjà weere ihe ndị ahụ e ji amụ insens, bụ́ ndị e ji ọla kọpa mee, ya bụ, ihe ndị ahụ ọkụ regburu wetara, ma kụọ ha ka ha dị mbadamba ka e jiri ha machie ebe ịchụàjà, 40 otú Jehova si n’ọnụ Mosis gwa ya. Ọ bụ ihe na-echetara ndị Izrel na onye na-abụghị onye nchụàjà,* onye na-abụghịkwa nwa Erọn, agaghị abịa nso ka ọ mụọ insens n’ihu Jehova+ nakwa na onye ọ bụla ekwesịghị ịdị ka Kora na ndị kwadoro ya.+