15 Nwaanyị ahụ gaziri mee ihe Ịlaịja gwara ya, nke mere na ya na ezinụlọ ya na Ịlaịja nwere nri ha nọ na-eri ruo ọtụtụ ụbọchị.+ 16 Ntụ ọka ahụ dị ná nnukwu ite agwụghị, mmanụ ahụ dị n’obere ite agwụghịkwa, otú Jehova si n’ọnụ Ịlaịja kwuo.

22 Jehova nụkwara arịrịọ Ịlaịja,+ nwatakịrị ahụ adịrịghachi ndụ.+

24 Nwaanyị ahụ asị Ịlaịja: “Ugbu a ka m matara na ị bụ onye nke Chineke n’eziokwu+ nakwa na ihe Jehova gwara gị kwuo bụ eziokwu.”

36 Mgbe o ruru oge e ji achụ àjà ọka,+ Ịlaịja onye amụma gara ebe ịchụàjà ahụ nso, sị: “Jehova bụ́ Chineke Ebreham,+ Aịzik,+ na Izrel, biko, mee ka onye ọ bụla mata taa na ị bụ Chineke n’Izrel, na m bụ ohu gị, nakwa na ọ bụ gị gwara m mee ihe ndị a niile.+

38 Jehova zitere ọkụ ozugbo ahụ, ya erepịa àjà ahụ a na-esu ọkụ,+ nkụ ndị ahụ, nkume ndị ahụ, na ájá ndị dị ebe ahụ. Ọ mịkọkwaara mmiri dị n’olulu ahụ.+

46 Ma Jehova nyere Ịlaịja ike, ya ekee uwe mwụda ya* n’úkwù, buru Ehab ụzọ gbaruo Jezril.

8 Ịlaịja wee chịrị uwe e ji mara ya,+ fụkọta ya ma pịa ya na mmiri ahụ, ya ekewaa abụọ, ha abụọ esi n’ala nkịtị gafee.+

11 Ka ha nọ na-aga, na-ekwu okwu ka ha na-aga, n’otu ntabi anya, ụgbọ agha na-acha ọkụ ọkụ nke ịnyịnya ndị na-acha ọkụ ọkụ+ dọkpụ bịara kewaa ha abụọ, oké ifufe ebugoo Ịlaịja n’eluigwe.*+

17 Chineke ga-emekwa ka nwa gị jiri ụdị obi na ike Ịlaịja nwere butere ya ụzọ,+ iji mee ka obi ndị nna dịrị ka nke ụmụ,*+ meekwa ka ndị na-enupụ isi kpawa àgwà ka ndị ma ihe na ndị ezi omume, iji kwadebere Jehova* otu ndị.”+

19 Ihe a bụ àmà Jọn gbara mgbe ndị Juu si na Jeruselem zipụ ndị nchụàjà na ndị Livaị ka ha gaa jụọ ya, sị: “Ònye ka ị bụ?”+

21 Ha wee jụọ ya, sị: “Ònyekwanụ ka ị bụ? Ị̀ bụ Ịlaịja?”+ Ọ zara, sị: “Abụghị m ya.” “Ị̀ bụ Onye Amụma ahụ a na-atụ anya ya?”+ O wee sị: “Mba.”