N’OGE ỌZỌ
IHE ỌMỤMỤ NKE 9
Na-enwe Ọmịiko
Amaokwu Baịbụl ga-enyere gị aka: “Soronụ ndị na-aṅụrị ọṅụ ṅụrịa ọṅụ; soronụ ndị na-ebe ákwá bee ákwá.”—Rom 12:15.
Ihe Jizọs Mere
1. Lee VIDIO, ma ọ bụ gị agụọ Mak 6:30-34. Zazie ajụjụ ndị a:
Olee ihe mere Jizọs na ndịozi ya ji chọọ “ka ha nọrọ naanị ha”?
Gịnị mere Jizọs ji kụziere ìgwè mmadụ ahụ ihe?
Gịnị Ka Anyị Na-amụta n’Aka Jizọs?
2. Ọ bụrụ na anyị enweere ndị mmadụ ọmịiko, anyị ga-enyere ha aka, ọ bụghị naanị izi ha ozi ọma.
Na-eme Ka Jizọs
3. Na-ege ntị nke ọma. Hapụ mmadụ ka o kwuo ihe dị ya n’obi. Anarakwala ya okwu n’ọnụ. E nwee ihe na-echegbu ya, otú obi dị ya, ma ọ bụ ihe o kwuru gosiri na o kwetaghị ihe i kwuru, elegharala ya anya. Ọ bụrụ na i gee ya ntị nke ọma, ọ na-egosi na ihe ahụ ọ na-eche na-emetụ gị n’obi.
4. Chee gbasara onye ahụ nwere mmasị. N’ihi ihe gị na ya kparịtara, jụọ onwe gị, sị:
‘Olee ihe mere o ji kwesị ịnụ nke bụ́ eziokwu?’
‘Olee otú ịmụ Baịbụl ga-esi eme ka ndụ ya ka mma ugbu a nakwa n’ọdịnihu?’
5. Gwa ya ihe ndị ga-enyere ya aka. Ozugbo o kwere omume, gosi ya otú ịmụ Baịbụl nwere ike isi mee ka ọ mata azịza ajụjụ ndị o nwere nakwa otú ọ ga-esi abara ya uru.