MEE 5-11

AKỤ̀ NDỊ SI N’OKWU CHINEKE

1. Ịrụsi Ọrụ Ike Bara Uru

(Nkeji 10)

Ejila oge gị na-achụ ihe na-abaghị uru (Ilu 12:11)

Na-arụsi ọrụ ike, adịkwala umengwụ (Ilu 12:24; w16.06 30 ¶6)

Ị ga-enweta ụgwọ ọrụ maka ọrụ ị na-arụsi ike (Ilu 12:14)

Foto ndị na-egosi: Ebe otu nwanna nwoke ọrụ ya bụ ịrụzi paịpụ na-arụsi ọrụ ya ike, na-agbakwa mbọ n’ihe gbasara ofufe Jehova. 1. O ji ngwá ọrụ ya na-aga ọrụ. 2. O ji ngwá ọrụ ya na-arụ ọrụ ná nnukwu paịpụ. 3. Ya na ndị ezinụlọ ya nọ n’ọmụmụ ihe, ya na obere nwa ya nwaanyị ewelie aka ka ha zaa ajụjụ. 4. O ji traktị na-ezi otu nwoke ozi ọma n’ebe a na-ere mmanụ ụgbọala.

IHE GA-ENYERE GỊ AKA: Anyị ga-enwe obi ụtọ na anyị na-arụsi ọrụ ike ma anyị lekwasị anya n’uru ọ na-abara ndị ọzọ.—Ọrụ 20:35; w15 2/1 5 ¶4-6.

2. Ihe Anyị Mụtara n’Okwu Chineke

(Nkeji 10)

Ilu 12:16—Olee otú ihe e kwuru n’amaokwu a ga-esi nyere mmadụ aka ịbụ a kwaa a kwụrụ n’oge nsogbu? (ijwyp isiokwu nke 95 ¶10-11)

Azịza gị
Gịnị ka ị mụtara n’ọgụgụ Baịbụl nke izu a ị ga-achọ ịkọ?

Azịza gị

3. Ọgụgụ Baịbụl

(Nkeji 4) Ilu 12:1-20 (th ihe ọmụmụ nke 5)

MỤTAKWUO IZI OZI ỌMA NKE ỌMA

4. Ịmalite Mkparịta Ụka

(Nkeji 2) OZI ỤLỌ N’ỤLỌ. (lmd isi nke 1 nọmba nke 4)

5. Ịmalite Mkparịta Ụka

(Nkeji 3) OZI ỤLỌ N’ỤLỌ. Gwa ya otú anyị na ndị mmadụ si amụ Baịbụl nakwa na ị chọrọ ka gị na ya mụwa Baịbụl. (lmd isi nke 5 nọmba nke 4)

6. N’Oge Ọzọ

(Nkeji 3) ỊGBA ÀMÀ N’OGE A NA-ANỌGHỊ N’OZI. Gosi onye nwere ụmụaka ebe anyị na-edebe ihe n’Ịntanet. (lmd isi nke 9 nọmba nke 3)

7. Ịkọwa Ihe Ndị I Kweere

(Nkeji 3) Ihe Ngosi. ijwfq isiokwu nke 3—Isiokwu: Ùnu Chere na Ọ Bụ Naanị Unu Na-ekpere Chineke Otú Ọ Chọrọ? (lmd isi nke 4 nọmba nke 3)

OTÚ NDỊ KRAỊST SI EBI NDỤ

8. Jehova Ga-enyere Anyị Aka n’Oge Ihe Isi Ike

(Nkeji 15) Okwu ndị na-ege ntị ga-etinyetụ ọnụ.

Ị̀ na-echegbu onwe gị na i nwetabeghị ọrụ, na a chụrụ gị n’ọrụ, na ị naghị akpali afọ gị ugbu a, ma ọ bụ na ị gaghị akpali afọ gị ma ị kaa nká? Nke bụ́ eziokwu bụ na e jighị akụnụba ụwa a n’aka. Ma, Jehova gwara anyị na ọ bụrụ na anyị ebute ofufe ya ụzọ, ọ ga-egboro anyị mkpa anyị, ọ bụrụgodị na e nwere ihe mere na mberede nke mere ka ihe siwere anyị ike.—Ọma 46:1-3; 127:2; Mat. 6:31-33.

Foto si na vidio bụ́ “Jehova Akwụsịtụbeghị Inyere Anyị Aka.” Ebe Nwanna Alvarado ji nwunye ya aka mgbe ya na ndị ezinụlọ ya na-ekpe ekpere.

Kpọnye VIDIO Bụ́ Jehova Akwụsịtụbeghị Inyere Anyị Aka. Jụzie ụmụnna ajụjụ a:

Gịnị ka ị mụtara n’ihe mere Nwanna Alvarado?

Azịza gị

Gụọ 1 Timoti 5:8. Jụzie ụmụnna ajụjụ a:

Olee otú amaokwu a si eme ka okwukwe i nwere na Jehova ga na-egboro ndị na-efe ya mkpa ha sikwuo ike?

Azịza gị

Legodị ihe ole na ole Baịbụl kwuru nwere ike inyere gị aka ma ihe siwere gị ike:

Ebila ndụ okomoko. Selata aka n’iji ụgwọ na n’imefu ego.—Mat. 6:22
Ka mkpebi ndị ị na-eme gbasara ọrụ na agụmakwụkwọ bụrụ ndị nke ga-ekwe gị ibute ofufe Jehova ụzọ ná ndụ gị.—Fil. 1:9-11
Dịrị umeala n’obi, na-emekwa mgbanwe mgbe ọ dị mkpa. Ọ bụrụ na i nweghịzi ọrụ, dị njikere ịrụ ụdị ọrụ ọzọ, ma ọrụ ndị e weere ka ọrụ dị ala, ka i nwee ike igboro ndị ezinụlọ gị mkpa ha.—Ilu 14:23
Dị njikere inyetụ ndị ọzọ ihe, ọ bụrụgodị na ihe i nwere dị obere.—Hib. 13:16

9. Ọmụmụ Baịbụl Ọgbakọ

(Nkeji 30) w23 Febụwarị, Isiokwu A Na-amụ Amụ nke 9, Jiri Ndụ Chineke Nyere Anyị Kpọrọ Ihe ¶1-9