Ebe Ezra na ndị Izrel ndị ọzọ nọ n’ụlọ nsọ na-eru uju, Shekanaya ana-enyere ya aka ibili.

Nke A Na-amụ Amụ

NỌVEMBA 2023

ISIOKWU NDỊ A GA-AMỤ MALITE: JENỤWARỊ 8 RUO FEBỤWARỊ 4, 2024

A naghị ere akwụkwọ a ere. O so n’ihe e ji arụ ọrụ ịkụziri ndị mmadụ Baịbụl n’ụwa dum. E jikwa onyinye si ndị mmadụ n’obi akwado ọrụ a. Ị chọọ inye onyinye, biko gaa na donate.jw.org.

Ọ gwụkwala ma è dere aha Baịbụl ọzọ, amaokwu Baịbụl ndị e dere n’akwụkwọ a si na Baịbụl e ji asụsụ Igbo a na-ede n’oge a dee, ya bụ, Baịbụl Nsọ nke Nsụgharị Ụwa Ọhụrụ.

IHE E SERE N’IHU ỤLỌ NCHE A:

Ezra bere ákwá ma kpee ekpere mgbe ọ nọ n’ụlọ nsọ maka na mmehie ndị Izrel mere ka obi na-ajọ ya njọ. Ìgwè mmadụ sokwa ya bee ákwá. Shekanaya kasiziri Ezra obi, sị ya: “Olileanya ka dịịrị Izrel. . . . Anyị kwụkwa gị n’azụ.—Ezra 10:2, 4 (A ga-akọwa ya n’isiokwu a na-amụ amụ nke 48, paragraf nke 17)