Ha Na-eme Ihe Ha Pụrụ Ime

Ọ bụ ezie na ha apụghị ịkwụghachi Jehova ụgwọ maka uru nile ha riteworo n’aka ya, ọtụtụ ndị na-eme ihe ha pụrụ ime iji kwadoo ọrụ nkwusa ahụ zuru ụwa ọnụ Ndịàmà ya na-arụ. (Matiu 24:14; tụlee Mak 14:3-9.) Akwụkwọ ozi nke a nke sitere n’aka otu ezinụlọ bi na Minnesota, U.S.A. bụ ihe na-akpali mmasị n’ihe banyere nke a:

“Ezi Ụmụnna Anyị,

“Anyị na-ezitere unu onyinye nke a n’ọnụ ego bụ $——. Anyị na-arịọ ka e were ya mee ihe maka ịkwado ọrụ zuru ụwa ọnụ ma ọ bụ tinye ya n’Ụtụ Ego Iwu Ụlọ Nzukọ Alaeze, ma ọ bụ ná mkpa ọ bụla ọzọ nzukọ a nwere. . . .

“Anyị ji n’aka na a ga-eji ego nke a mee ihe n’ụzọ kwekọrọ ná nzube [Jehova]. Ọ ga-amasị anyị iji ohere nke a mee ihe inye unu agbamume anyị ịnọgide n’ọrụ ọma ahụ, anyị na-ekelekwa unu karịsịa maka ihe nkiri vidio ahụ nke ọrụ [Watch Tower] Society na-arụ gburugburu ụwa. Ọ bụ ihe nkiri nke a mere ka anyị mara otú ọrụ ahụ haruru, o mekwara ka o doo anyị anya na onyinye afọ ofufo anyị bụ ihe a chọrọ. Tupu ugbu a, anyị ahapụworo ọgbakọ, sekit, na distrikt ọrụ nke izitere unu onyinye, ma anyị na-ekele Jehova ugbu a na o nwewo ndidi n’ebe anyị nọ maka nlepụ anyị na-elepụghị anya, jirikwa ịhụnanya gosi anyị mkpa ọ dị ka anyị na-enye aka n’onwe anyị n’iweta ego e ji akwado ọrụ nke a na-azọpụta ndụ, tụkwasị n’ụdị onyinye ndị ọzọ. Anyị na-ekpebikwa dị ka otu ezinụlọ, izite, ya dịkarịa ala, $—— kwa ọnwa . . . kpọmkwem gaa na New York.

“Ọzọkwa, anyị na-ekele unu maka ọrụ ọma unu nọworo na-arụrụ anyị, nakwa maka ikwesị ntụkwasị obi unu gosipụtaworo nye Jehova.”