Ihe A Ga-ekwu Banyere Magazin Ndị Ahụ

Ụlọ Nche June 15

“Ì chere na ọ dị mgbe anyị ga-ahụ njedebe nke ụdị nsogbu ndị a? [Gụpụta ihe e kwuru ná mmalite isiokwu nke mbụ, nyekwa ohere maka nzaghachi.] Okwu Chineke nke sitere n’ike mmụọ nsọ na-emesi anyị obi ike na nsogbu ndị dị otú ahụ ga-akwụsị n’oge na-adịghị anya. [Gụọ Abụ Ọma 72:12-14.] Mbipụta a nke Ụlọ Nche na-akọwa otú a ga-esi mezuo nke a.”

Ụlọ Nche July 1

“Ọtụtụ nde mmadụ na-eji ihe oyiyi okpukpe eme ihe n’ofufe ha, ebe ọtụtụ nde ndị ọzọ na-eche na ime otú ahụ ezighị ezi. Ọ̀ dịtụwo mgbe i chere ihe Chineke na-eche maka ya? [Nye ohere maka nzaghachi. Mgbe ahụ gụọ Jọn 4:24.] Isiokwu ndị a na-egosi otú iji ihe oyiyi okpukpe eme ihe si malite nakwa ihe Bible na-ekwu banyere ife ihe oyiyi ofufe.”

Teta! June 8

“Ì chere na ọ dị mgbe mmadụ nile nọ n’ụwa ga-enwe ike inwe ezi nnwere onwe? [Nye ohere maka nzaghachi.] Rịba nkwa a mara mma nke Chineke àmà. [Gụọ Ndị Rom 8:21.] Iji mezuo nkwa ahụ, ụdị nile nke ịgba ohu aghaghị ịkwụsị, ọ́ bụghị ya? Mbipụta a nke Teta! na-egosi otú nke ahụ ga-esi mezuo.”

“Bible buru amụma na a ga-enwe oge ndị siri ike n’ụbọchị ikpeazụ. [Gụọ 2 Timoti 3:1, 3.] Gburugburu ụwa, ọnụ ọgụgụ mpụ a na-eme na-enye ihe àmà nke a. Lee ka ihe ga-esi ka njọ ma ọ bụrụ na e nweghị ndị uwe ojii! Mbipụta a nke Teta! na-atụle ihe ịma aka na-eche ndị uwe ojii ihu n’ụwa nile.”