Ihe A Ga-ekwu Banyere Magazin Ndị Ahụ

Ụlọ Nche Dec. 15

“N’oge a n’afọ, ọtụtụ ndị na-eche banyere ọmụmụ Jizọs. Ị̀ maara na e nwere ihe ndị bara uru anyị pụrụ ịmụta site n’ihe ndekọ Bible banyere ọmụmụ ya? [Nye ohere maka nzaghachi. Mgbe ahụ, zoo aka na peeji nke 5, ma gụọ 2 Timoti 3:16.] Mbipụta Ụlọ Nche a tụlere ụfọdụ n’ime ihe mmụta ndị a.”

Ụlọ Nche Jan. 1

“Mgbe onye ha hụrụ n’anya nwụnahụrụ ha ma ọ bụ na-arịa ọrịa, ndị mmadụ na-echekarị sị, ‘Gịnị mere Chineke ji kwe ka nke a mee?’ Ikekwe, ị jụwo ajụjụ a. Bible na-egosi na Chineke na-enwe ọmịiko n’ahụ́ ndị na-ata ahụhụ. [Gụọ Aịsaịa 63:9a.] Magazin a na-akọwa ihe anyị pụrụ iji jide n’aka na Chineke ga-akwụsị ịta ahụhụ.”

Teta! Jan. 8

“Ì chere na ndị ọchịchị kwesịrị ịnapụ ndị mmadụ nnwere onwe ikwu okwu? [Nye ohere maka nzaghachi.] Gịnị ma ọ bụrụ na okwu ahụ gụnyere ịgwa ndị ọzọ okwu banyere okpukpe, dị ka anyị na-agụ n’ebe a? [Gụọ Ọrụ 28:30, 31.] N’oge na-adịbeghị anya, e welitere okwu a n’Ụlọikpe Kasị Elu nke United States. A na-agba gị ume ka ị gụọ banyere ya ná mbipụta a nke Teta!”