Ihe A Ga-ekwu Banyere Magazin Ndị A

Ụlọ Nche Dec. 15

“Ya ruo n’oge a n’afọ ọ bụla, ọtụtụ mmadụ na-echebara ihe a ndị mmụọ ozi kwuru mgbe a mụrụ Jizọs echiche. [Gụọ Luk 2:14.] Ì chere na o nwere mgbe a ga-enwe udo n’ụwa n’ezie? [Chere ka ọ zaa.] Magazin a na-ekwu otú Jizọs ga-esi weta ezi udo n’ụwa n’oge na-adịghị anya.”

Teta! Oct.-Dec.

“Ọ fọrọ obere ka ọ bụrụ na mmadụ nile na-enwe mmasị n’ikiri televishọn. Ma ì chere na anyị kwesịrị ichebara awa ole anyị na-eji ekiri TV echiche? [Chere ka ọ zaa. Ọ zasịa, ị gụọ Ilu 14:15.] Magazin a na-akọ ihe mere o ji baa uru ka anyị nyochaa awa ole anyị na-eji ekiri TV, ọ na-atụkwara anyị aro ndị ga-enyere anyị aka ịchịkwa otú anyị si ekiri ya.”

Ụlọ Nche Jan. 1

“Ì chere na ihe e ji ama onye ihe na-agaziri bụ otú akụnụba onye ahụ hà? [Chere ka ọ zaa. Ọ zasịa, ị gụọ 1 Timoti 6:9, 10.] Ọ bụ ezie na Bible akatọghị inwe ego, o gosiri na a naghị eji akụnụba amata onye ihe na-agaziri. Magazin a kwuru banyere nke a.”

Teta! Jan.-Mar.

“Ọ̀ dị gị ka è nwere oge anyị ga-ahụ mmezu nke amụma a m na-aga ịgụrụ gị ugbu a? [Gụọ Aịsaịa 33:24. Ị gụsịa ya, i chere ka ọ zaa.] Magazin a kọwara ihe ndị ọkà mmụta sayensị rụzurula n’ihe banyere ịgwọ ọrịa, kọwaakwa otú amụma Bible a ga-esi emezu.”