Ihe A Ga-ekwu Banyere Magazin Ndị A

Ụlọ Nche Nov. 15

“Ọtụtụ mmadụ na-eche ihe mere o ji yie ka nsogbu ndị na-akpa ụmụ mmadụ ezé ọ̀ na-akawanye njọ kama ịka mma. Ọ̀ dịtụla mgbe i chere echiche banyere ihe amaokwu Bible a kwuru na ọ bụ ya nwere ike ịkpata ya? [Gụọ Mkpughe 12:9. Ị gụsịa ya, chere ka ọ zaa.] Magazin a na-atụle ụzọ Ekwensu si eduhie ndị mmadụ na otú anyị pụrụ isi guzogide mmetụta ya.”

Ụlọ Nche Dec. 1

“Mgbe ndị mmadụ nụrụ okwu ahụ bụ́ ‘Amagedọn,’ ihe na-agbata ọtụtụ n’uche bụ ajọ mbibi a ga-ebibi ihe nile. [Gosi ya igbe dị na peeji nke 3.] Ọ̀ ga-atụ gị n’anya ịmara na Amagedọn bụ́ n’ezie otu n’ime ihe ọma pụrụ imere anyị? [Chere ka ọ zaa.] Magazin a kọwara ihe kpatara ya.” Gụọ 2 Pita 3:13.

Teta! Dec. 8

“Ọ bụ ezie na a na-akọpụta ihe oriri ga-ezuru onye ọ bụla nọ n’ụwa, ihe dị ka narị nde mmadụ asatọ adịghị eriju afọ. Nke ahụ ọ́ bụghị ihe mwute? [Chere ka ọ zaa.] Magazin a tụlere ihe isi ike a na-enwe mgbe nile n’inyeju ndị bi n’obodo ukwu afọ. Ọ tụlekwara nkwa Bible kwere banyere ụwa nke agụụ na-agaghị adị na ya.” Gụọ Abụ Ọma 72:16a.

“Achọrọ m ịkọrọ gị banyere oge onye ọ bụla ga-enwe ebe obibi dị mma. Ọ́ bụghị ihe mwute na ọtụtụ mmadụ enweghị ebe obibi? [Chere ka ọ zaa. Ọ zasịa, gụọ Aisaia 65:21, 22.] Magazin a tụlere ihe ndị na-akpata enweghị ebe obibi. Ọ kọwakwara otú Chineke ga-esi mezuo nkwa a anyị gụrụ banyere ya ugbu a.”