Ihe Ndị A Ga-ekwu Banyere Magazin Ndị A

Ụlọ Nche June 15

“Ị̀ chọpụtala na ọtụtụ ndị taa na-ekpebiri onwe ha ihe bụ́ ihe ọma na ihe ọjọọ? [Chere ka ọ zaa.] Ka m gosi gị otu n’ime ntụziaka ndị dị na Bible bụ́ ndị pụrụ ịba uru n’oge ọ bụla. [Gụọ otu n’ime akụkụ Akwụkwọ Nsọ ndị dị n’igbe ahụ dị na peeji nke 6-7.] Magazin a na-akọwa otú ịgbaso ụkpụrụ omume ọma ndị e setịpụrụ na Bible si abara anyị uru.”

Ụlọ Nche July 1

“Ò nwetụla mgbe i chere ihe mere ndị mmadụ ji emeso ndị na-esighị n’agbụrụ ha ma ọ bụ n’obodo ha ma ọ bụkwanụ ndị na-adịghị asụ asụsụ ha, mmeso ọjọọ? [Chere ka ọ zaa.] Lee ihe Bible kwuru kpatara ya. [Gụọ 1 Jọn 4:20.] Magazin a zara ajụjụ bụ, Ọ̀ ga-ekwe omume agbụrụ nile ịdị n’udo?”

Teta! Apr.–June

“Ì chere na o nwere onye a na-adịghị ahụ anya na-akpata nsogbu ndị dị n’ụwa anyị a? [Chere ka ọ zaa.] Jizọs kwuru na ọ bụ Setan bụ onye omempụ ahụ na-akpata nsogbu nile dị n’ụwa taa. Lee ihe Setan fooro ntutu taa na ya ga-eme. [Gụọ Mkpughe 12:9.] Ọ dị oké mkpa ka anyị kweta na Setan dị adị n’ezie, ọ dịkwa oké mkpa ka anyị nọsie ike n’akụkụ Chineke.” Gosi ya isiokwu malitere na peeji nke 24.

“O nwere nsogbu ọtụtụ ndị na-agbalị inwe ùgwù na akọnuche dị ọcha na-enwe ugbu a. Nsogbu ahụ bụ na a na-ara ha ụra iso ndị na-abụghị di ma ọ bụ nwunye ha nwee mmekọahụ. Ma, ọ̀ dị njọ ime otú ahụ? [Chere ka ọ zaa, ya zasịa, gị agụọ 1 Ndị Kọrịnt 6:9 ma kọwaa ya.] Ka mmadụ wee nwee ike irube isi n’iwu Chineke nyere megide ịkwa iko, ọ dị mkpa ka onye ahụ zere ihe ọ bụla nwere ike iduba ya n’ịkwa iko.” Gosi ya isiokwu dị na peeji nke 14.