Ihe A Ga-ekwu Banyere Magazin Ndị A

Ụlọ Nche Aug. 1

“Ì kweere na irube isi n’iwu a Jizọs nyere ga-eme ka ezinụlọ nwekwuo obi ụtọ? [Gụọ Jọn 13:34. Chere ka ọ zaa.] Isiokwu a kwuru otú ihe ndị Jizọs kụziri na otú o si kpaa àgwà si gbasa onye ọ bụla nọ n’ezinụlọ.” Gosi ya isiokwu dị na peeji nke 16 na nke 17.

Ụlọ Nche Sept. 1

“Ihe ka ọtụtụ ná ndị mmadụ maara okwu Jizọs dị na Matiu 6:9. [Gụọ ya.] Ma, ọ na-esiri ọtụtụ ndị ike ile Chineke anya dị ka Nna. Olee otú i chere anyị nwere ike isi bịaruo Chineke nso? [Chere ka ọ zaa.] Magazin a kọwara àgwà ndị dị iche iche Nna anyị nke eluigwe nwere na otú anyị nwere ike isi mata ya nke ọma.”

Teta! July–Sept.

“Otú e si eme anwansi n’ọtụtụ n’ime ntụrụndụ ndị a na-enwe n’ụwa taa abụghị ihe e ji ọnụ ekwu. Ì chere na ọ dịghị ihe o mere ma mmadụ na-eme anwansi? [Chere ka ọ zaa. Gụzie Diuterọnọmi 18:10-12.] Isiokwu a gosiri ihe ize ndụ Baịbụl kwuru dị na mgbaasị.” Gosi ya isiokwu malitere na peeji nke 14.

“Olee ihe i chere ga-eme ka alụmdi na nwunye gaa nke ọma? [Chere ka ọ zaa. Gụzie Ilu 12:18.] Ọtụtụ ndị na-elegharakarị eziokwu bụ́ na ihe di gwara nwaanyị ya ma ọ bụ ihe nwaanyị gwara di ya abụghị ebe okwu dị kama ọ bụ otú e si kwuo ihe e kwuru. Magazin a gosiri mkpa ọ dị ka ndị di na nwunye jiri nkwanye ùgwù na-agwa onwe ha okwu.” Gosi ya isiokwu dị na peeji nke 6.