Ihe I nwere Ike Ịmụ

Mụtakwuo Gbasara Àgwà Ndị Magburu Onwe Ha Jehova Nwere

Anyị gụwa Baịbụl, anyị nwere ike ime nchọnchọ ka anyị ghọtakwuo ihe ndị anyị na-agụ. Ma, ihe mere anyị ji eme ya abụghị naanị ka anyị mụtakwuo Baịbụl. Anyị chọrọ ịmụtakwu gbasara àgwà ndị magburu onwe ha Jehova nwere, nke ga-eme ka anyị hụkwuo ya n’anya. Iji mee ya, anyị nwere ike ịjụ onwe anyị, sị: ‘Gịnị ka ebe a m gụrụ na-akụziri m gbasara Jehova?’

Dị ka ihe atụ, anyị nwere ike ịgbalị chọpụta otú ebe ahụ si gosi na Jehova hụrụ anyị n’anya, nwee amamihe, na-ekpe ikpe ziri ezi, dịkwa ike. Ma, e nwere ọtụtụ àgwà ndị ọzọ magburu onwe ha Jehova nwere anyị nwere ike ịmụ gbasara ha. Olee ebe ị ga-esi mụtakwuo gbasara àgwà ya?

Gaa n’Akwụkwọ Ndịàmà Jehova Ji Eme Nchọnchọ, n’isiokwu bụ́ “Jehova Chineke,” n’isiokwu nta bụ́ “Àgwà Ndị E Ji Mara Jehova.” Ihe ọzọ ị ga-eme bụ ime nchọnchọ banyere àgwà ndị e kwuru gbasara ha n’ebe ị na-agụ na Baịbụl.