-
Banabas—“Nwa nke Nkasi Obi”Ụlọ Nche—1998 | Eprel 15
-
-
Ngwa ngwa Pentikọst 33 O.A. gasịrị, Banabas, bụ́ onye Livaị si Saịprọs, sitere n’afọ ofufo ree ala wee nye ndị ozi ego ya. Gịnị mere o ji mee nke ahụ? Ihe ndekọ dị n’Ọrụ na-agwa anyị na n’etiti ndị Kraịst nọ na Jerusalem n’oge ahụ, “e wee na-eke òkè enye ha nile n’otu n’otu, dị ka ọ dị onye ọ bụla mkpa.” Ihe àmà na-egosi na Banabas hụrụ na e nwere mkpa, o jikwa ọmịiko mee ihe banyere ya. (Ọrụ 4:34-37) Ọ ga-abụ na ọ bụ nwoke nwere akụ̀ na ụba, ma ọ laghị azụ n’iwepụta ma ihe onwunwe ya ma onwe ya maka ọganihu ọdịmma Alaeze.b “Ebe ọ bụla Banabas hụrụ ụmụ mmadụ ma ọ bụ ọnọdụ ndị chọrọ agbamume, ọ na-enye agbamume nile o nwere ike inye,” ka ọkà mmụta bụ́ F. F. Bruce na-ekwu. Nke a pụtara ìhè n’akụkọ nke abụọ ebe ọ pụtara.
-
-
Banabas—“Nwa nke Nkasi Obi”Ụlọ Nche—1998 | Eprel 15
-
-
b N’ịtụle ihe ndị Iwu Mosis kwuworo, ụfọdụ ajụọla ụzọ Banabas, bụ́ onye Livaị, si nwee ala. (Ọnụ Ọgụgụ 18:20) Otú ọ dị, e kwesịrị ịrịba ama na o doghị anya ma ala ahụ ọ dị na Palestine ka ọ dị na Saịprọs. Ọzọ, ọ pụrụ ịbụ na nke a bụ nanị ala ili nke Banabas nwetaworo n’akụkụ Jerusalem. Ka o sina dị, Banabas nyere ala ya iji nyere ndị ọzọ aka.
-