Ihe I Nwere Ike Ikwu

Ụlọ Nche Jun 1

“Anyị bịara na nke unu ka anyị kwurịta ụfọdụ n’ime ihe ndị gosiri na o nweghị akwụkwọ dị ka Baịbụl. Ọtụtụ ndị na-ekwu na ihe sayensị na-ekwu gosiri na Baịbụl anaghị ekwu eziokwu. Gịnị ka gịnwa chere banyere Baịbụl? Ì chere na ọ na-ekwu eziokwu? [Chere ka ọ zaa.] Ka anyị gụọ otu n’ime ihe ndị Baịbụl kwuru nke sayensị kwetara na ọ bụ eziokwu. [Gụọ Job 26:7.] Ụlọ Nche a gosiri otú sayensị si akwado ihe Baịbụl kwuru.”

Teta! Mee–Jun

“Ụfọdụ ndị gbara akwụkwọ ọhụrụ amaghị ma hà ga na-eme ihe di ha ma ọ bụ nwunye ha kwuru ka ọ̀ bụ ihe papa ha na mama ha kwuru. Ònye ka i chere di ma ọ bụ nwunye kwesịrị ịna-ege ntị? [Chere ka ọ zaa.] Baịbụl kwuru hoo haa ihe bụ́ uche Chineke n’okwu a. [Gụọ Matiu 19:5.] Ọ bụrụ na ndị gbara akwụkwọ ọhụrụ aghọta na ha enweela ezinụlọ nke ha, ọ ga-eme ka ha mara onye ha ga na-ege ntị, meekwa ka ihe gbasara papa ha na mama ha ghara ime ka ha na-ese okwu. Isiokwu dị na peeji nke 8 na Teta! a kwuru ihe ụfọdụ ga-abara di na nwunye uru.”