ANG ỌJẸ́JẸ 10

Ọkọ Ọyẹda

Etu 8:4, 7

ẸLA ỌLẸ KÁ KA HỌ: Ya ẹla gbagbịla bala o-ya ẹla ụ-ụgbẹyị ọlẹ kọ ka gu ọngịnyị ọ-ọkịlẹtụ bwula o-hu ọkọ hwaa bala ọ-kpa ọkọ weji, ọ-kpa ọkọ ọkpẹnẹẹ bala ọkọ ọbịra-bịra, ọ-ya ẹla chagaga bala ọ-ya ẹla dụmwọ-dụmwọ.

JAABWỌ KÁ KA BWU HỌ ỊNYỊ:

Hu ọkọ hwaa lee ọ-kpa ọkọ weji. Hu ọkọ nyang hwaa nyọka gba ahị nya ẹla kpehe bala ọ-ka gu angịlẹ kị wẹẹ ke ụrụ gbịla nyọka kpa ẹla ọọwa họ ụkụrwọ. Họ ịnyị ụka á juwa wa ụpa nya ịBayịbụụ ịlẹ kị ya ẹla rụ́ eje ọlala nya Ohe Oluhye. Kpa ọkọ weji nyọka mwaa ọnụ enyi gbe ẹla ọlẹ ká wẹẹ ka ya bọọ ba lee ọ-ka mẹ uhi ojuju lee uko ọchịchị jẹ.

A hu ọkọ hwaa ụka myị́ ụka lala ahụ nyaa juwa yalibyi ta angịlẹ kị wẹẹ ke ụrụ lang ka. A họ kpoye-kpoye nyọka mẹ ịlọng jẹ ka.
Ya ẹla la ọkọ ọkpẹnẹẹ lee ọkọ ọbịra-bịra. Kori ọ́ pwoku o-òja nyang, ya ẹla la ọkọ ọbịra-bịra nyọka mẹjẹ nyori ẹla chịng ịla bala ọ-ka chabwọ jaabwọ ká ang ri ọtụka lee ọ-lụrụ kaka ba. Ya ẹla la ọkọ ọkpẹnẹẹ nyọka mẹ ẹla ọjụjụ bala uko ọchịchị jẹ.
Ya ẹla chagaga lee dụmwọ-dụmwọ. Ya ẹla chagaga nyọka mẹjẹ nyori ẹla kpụng ịpyọ lee ọ-chịng ila. Ya ẹla dụmwọ-dụmwọ ụka kọ ri ẹhị nya ẹla ọhẹ ọlẹ kọ baba.

A yẹda kpịraka bwu ẹla o-ya dụmwọ-dụmwọ ka ẹla o-ya chagaga ka, ó-ri ịnyị ka, angịnyị ka juhi. A ya ẹla chagaga lụmẹ gbee, ká angịnyị ka jẹ́-ẹ wo ẹla ọlẹ ká wẹẹ tịtọ nyọka ya ka lẹ ka.