Maga Nyọka Ya Ẹla Gu Angịkịla ọ-Ọkịlẹtụ

Etu 3:1

ẸLA ỌLẸ KÁ KA HỌ: Da angịlẹ kị wẹẹ ke ụrụ wo lang ụbwọ kị jé ọbaba nya ẹla ọlẹ kị wẹẹ jẹ́ bala ọ-ka kpa họ ụkụrwọ.

JAABWỌ KÁ KA BWU HỌ ỊNYỊ:

• Da angịlẹ kị wẹẹ ke ụrụ wo lang ụbwọ kị kụ ẹhị yẹ ịlaa. Tọ ịtọ ẹla ịlẹ kị ka kpa angịnyị kụ irya, chajị kị ka kụ ẹhị yẹ ọkịlẹtụ nya ịlaa.

• Ya ẹla ụ-ụgbẹyị ọlẹ ọ́ ka gwaa o-olegu. Byi angịlẹ kị wẹẹ ke ụrụ wo lang kị wụla ịlaa yẹ u-uhye nya ang o-du kị kaa họ ang ọnyịịla. Daa ụbwọ kị ka họ ang ọnyịịla chajị nya ọháha ọlẹ kị la ẹ-ẹga nya iJihova, angịnyị ehe aanaa, bala ẹla ọlẹ ká ịBayịbụụ mẹjẹ, chaji ọọwa à ri irya ọlẹ kọ chịla ọ-ka gu ọngịnyị gbịla nyọka họ ang ọnyịịla lẹ. Da angịlẹ kị wẹẹ ke ụrụ wo lang ụbwọ nyọka yẹ ang odudu ká ẹla ọjẹ́jẹ ọlẹpwụ nya ịBayịbụụ baba; a ya ẹla ụbwọọng-ụbwọọng ka. Ọkọkọ nyọka hu oyi jwaa, ẹla ọyaya nyang a jwaa ọhụ bala o-gwaa gbịla nyọka họ ang ọnyịịla gụ ọwọwa.

• Kpa irya nyaa ka ẹga nya iJihova. Ya jaabwọ ká ẹla ọmẹjẹ bala ehile ịlẹpwụ nya ịBayịbụụ mẹ abwụma nya Ohe Oluhye bala ọháha ọlẹ kọ la ẹ-ẹga nyahị jẹ. Họ ká angịlẹ kị wẹẹ ke ụrụ lang a la olegu nyọka họ ẹla kpụ iJihova ịpyọ bala ọ-ka kpịtịya jaabwọ ká ẹla nyaa ka lọọ ọ-ọkịlẹtụ.