Ẹla Ọlẹ ká Angị Wẹ Ọjịra-Jịra Ọlẹ ka Jẹ́

ANGỊ DỤBWỌ Ị chụ aanahị ịwẹ nyọka dang ụbwọ. Chuchuu ba ẹla ọlẹ kị ya jẹ, u-uhye nya ẹga ọlẹ ká angịnyị ka ya ang ọrụnyẹ rịrị, ẹgẹlẹ kị ka bwu ka ẹpwang bala o-bwu kpehe, ẹga ọhụhụ ọchịda ha angịkịla bala ẹla ịkịla ịnyịnyị.

ANGỊ DỤBWỌ Kori ka tịtọ nyọka họ ụkụrwọ ọ-ọjịra-jịra ọtụka ọlẹ, chuchuu ka ẹga nya Angịlẹ kị kaa Kpẹhị Rịrị Ụkụrwọ ọnyị myị́ ọnyị ọla ẹga ọlẹ.

ANG ỊLẸ KỊ BYI KỊ TỊ YÉ Kori ká yé ang ká tị jẹ́ ọngọlẹ kọ lọọ ka, kpa ka ẹga nya Angị kaa Kpẹhị Rịrị Ang Ịlẹ Kị Byi Kị Tị Yé. Kori ká ang nyang á gụng byi, jẹ ka ẹga nya angịwẹ ka ya ang ọlẹ kọ byi jaa. Ị ka kpa anjwo ịlẹ kị hwahị hi adaa lee ịnaa ka ẹga ọwẹ ịnyịnyị. Tị wẹẹ, nyọka họ ká ẹla ọlịịwẹ ka ji ka, chuchuu kpẹhị rịrị anyị nyang yẹẹyẹẹ, bala ọ-maga kị juwa balang ụka myị́ ụka wuu.

ENYI OHE OHUHU Ẹga ọlẹ ká angị ka hu enyi Ohe ka hụhụ kaa juwa ị-ịlahị, ọkẹnẹ-kẹnẹ kori kị nwọọ họ mẹ ịnyị. Angịlẹ kị wẹẹ ka hu enyi Ohe wuu ka hụhụ ụ-ụwa ene kị ka dọmwụ nya ẹla oyaya nya angị wẹẹ ka hu enyi Ohe ẹnụ nya ịSatudee lụtụrụ. Ọng myị́ ọng nyaa ka kpa ịtọwẹlụ bala ang ọkụrụ-kụrụ ọlẹ kọ pwoku.

ẸGA NYA UTOJI Chuchuu jẹ́ nyori, ẹga ọlẹ ri ẹga ọ-ka kpa angịlẹ ká ang họ kpịráka ka ahyaahị kem ịnyị.

ẸGA ỌHỤHỤ Chuchuu kpa angịkịla i-irya. Kpịtịya nyori, kori kọ háng à ka chị ẹga ọhụhụ da ha alugbiyegu nyang, angịlẹ kanụ ju ang ọrunyẹ ookpokpo lawụlẹ warị, angịlẹ kanụ kụ ẹpwa lawụlẹ, lee angịlẹ kanụ-ụ̀ jẹ́ ịBayịbụụ taa kem ịnyị. Chuchuu, a ya ang nọ u-uhye nya ẹga ọhụhụ ọlẹ ka chịda gbe ọngọngẹhẹ ka lẹ ka.

O-HU HA Ị kpa okpoko họ ụkụrwọ yẹẹyẹẹ nyọka nwụla ekeji ịhụhụ nọ, ang ị-kpa ya ẹla bala ị-kpa du ang, ang ị-kpa yẹ ifim bala ang ịkịla ịlẹ kị́ baba, nyọka họ ká ọjịra-jịra ọlẹ ka kpụhị ịpyọ bala ọ-ka dahị ụbwọ tụ ju iJihova chwẹẹ gụ ọwọwa. O-hu ha o-bwu ọkịlẹtụ nyang ka dahị ụbwọ nwụ uri nya ang ịwẹ bala ọ-dụbwọ ẹ-ẹpwụ nya ụkụrwọ nya Ohe Oluhye odehe wuu. Nyọka họ kọ ka chịkpẹẹ, ị ya akpa ịlẹ á ka ya o-hu ha nyang ju, rịrị ẹ-ẹga ịdatị-datị ám̀ ọọjịra-jịra ọlẹ. À ka jẹ́-ẹ hu ha bwu ịntanẹtị ịnyịnyị, bwula ọ-ka ẹga ọlẹ kọ ri, donate.jw.org. O-hu ha ọnyị myị́ ọnyị myịhị lẹhị yẹẹyẹẹ. Angị Kpẹhị Rịrị Ogu jinu obe ọhọhọ nya ụbwọ ọ-gba kpehe nyanụ nyọka da ụkụrwọ nya Ohe Oluhye ụbwọ.

ỌJỊRA-JỊRA ỌDATỊ

Ube-Ụpwụ nya Angị kaa Kpa Ẹrụ Ọnyịịla Pyẹ Angị ye ịlahị nya ụgbẹyị ịlẹ kị́ gu ẹka iwo imiiye kụrụ ịta (23) kele ka iwo ịrwọnyẹ kụrụ ịrụ (65), kị́ tị tịtọ nyọka kpa ẹla nya Ohe Oluhye pyẹ kịlahị-ịlahị a nwụlanọ nyọka wẹ ọtụguru nya Ube-Ụpwụ nya Angị kaa Kpa Ẹrụ Ọnyịịla Pyẹ ẹnụ nya ịSọndị lẹnụ. Ị ka ya ụka bala ẹga ọlẹ kị́ ka tụguru dodehe.