A Juhi Nyọka Ya Ẹrụ Ọnyịịla Ka

Ang Ọlẹ ká IJisọsị Họ

IFIM: IJisọsị Ya Ẹla Ohe Je ỊSakiyọsị

1. Yẹ IFIM ọwẹ, lee wa iLuku 19:1-7. Ká kụ ẹhị yẹ ịtọ ẹla ileji ịlẹ:

1. Ịyẹ tị́ du ká angịhyẹ ka cheji ba hi ịSakiyọsị myị́?

2. Nanana nyọọwa, ịyẹ tị́ gu iJisọsị gbịla nyọka ya ẹla Ohe joo?

Ẹlịyẹ Ahị Tị́ Jẹ́ Bwu Ẹga nya IJisọsị?

2. Ahị baba nyọka ya ẹrụ ọnyịịla nya Ịpyị-Adịrahụ ọlẹ je ọng myị́ ọng la ọ-ka juhi ka.

Ba Ọgụ-ẹpẹtẹ nya IJisọsị Jẹ

3. Kpụnịrọ iJihova. Olegu ịgọgọ nya Ohe Oluhye ya ọngịrị ha iJisọsị nyọka ya ẹla Ohe, ọ-ka jẹ́-ẹ ya ọngịrị hang ịnyịnyị nyọka ya ẹla Ohe. (Mat. 10:19, 20; Luk 4:18) Bịlẹ iJihova kọ ka ya olegu nya uhi ojuju ka hang nyọka ya ẹla Ohe je angịlẹ kọ lala o-ri á juhi nyaa myị.—Ụkụr 4:29.

4. Á la angịkịla eje ka. Ahị ka chị pyẹẹ nyọka ya ẹla ta angịhyẹ myị ọọlajị nya abwọlẹ kị la ị-ịnyịrọ, iwe-ahụrụ nyaa, ọhịhị ọlẹ kịị hị, lẹẹ ịgba ọgbagba nyaa. Ma kpịtịya:

1. IJihova bala iJisọsị kaa jẹ́ ẹla ọlọkịlẹtụ nya ọngịnyị; áhị tịị́ jẹ́ ka.

2. Ọngọngọhẹ á ji kọ kpoye nya ahyẹẹrwẹrwa nya iJihova ka.

5. La olegu nya uhi ojuju ka, ká tị ju angịkịla ihi bala ọdụmwọ-dụmwọ. (Mat. 10:16) Cheji ba hi ịwẹẹ ọdada. Maga ká ya ẹla nyang cheju la ọdụmwọ kori ka yẹ nyori ọngọọwa á nwụlanọ nyọka ke ụrụ wo la ẹrụ ọnyịịla ọwẹ ka lee a yẹ nyori ẹga ọọwa á kpunyi ka.—Etu. 17:14.