Tọ Ịtọ Ẹla

IJihova ri “Ohe nya ọkẹkẹnị,” ọlẹ kọ tịtọ kahị ka ye ịpyọ ọkpụkpụ bwu ẹrụ ọnyịịla ọ-kpa pyẹ. (1Tim 1:11, NW) Ahị ka ye ọkẹkẹnị gụ ọwọwa jaabwọ ọlẹ kahị wẹ maga nyọka nwa kịlahị. Ịtọ ẹla ọtọtọ kaa gu angịnyị i-irya bala o-ri ụgbẹyị ọhẹ ọlẹ kahị ka kpa dọmwụ nya ẹla oyaya. Ịtọ ẹla kaa ju angịnyị ọhụ nyọka kụ irya bala ọ-ka jẹ́ ẹla nyịlẹhị. (Mat 22:41-45) Bwula ịtọ ẹla ọtọtọ bala ọ-ka ke ụrụ, ahị wẹẹ yẹkẹẹ, ‘A ju apyobwuna ham.’ (Jem 1:19) Ọwẹwẹ nya ọngọọwa ka dahị ụbwọ nyọka jẹ́ jaabwọ kahị ka dọmwụ nya ẹla oyaya ụ-ụgbẹyị ọlẹ kọ ka há yẹẹyẹẹ.

YẸ IFIM ỌLẸ KỌ RI YE ỌKẸKẸNỊ ỌLẸPWỤ NYA Ọ-HỌ KÁ ANGỊKỊLA KA RI ANGỊJỤGBẸYỊ BWULA Ọ-NWA KỊLAHỊ​—TỌ ỊTỌ ẸLA, KANỤ WẸ ỊTỌ ẸLA ILEJI ỊLẸ:

• 

  Abwẹla ịnyịịla iyina Agidi à tị́ mẹjẹ?

• 

  Ányị Inori à tị́ tọ ịtọ ẹla nyọka mẹjẹ nyori ọ kpa angịkịla i-irya?

• 

  Ányị Inori à tị́ tọ ịtọ ẹla ụ-ụgbẹyị ọlẹ kọ ka du ká Agidi ka ye ẹrụ ọnyịịla myị?

• 

  Ányị Inori à tị́ tọ ịtọ ẹla nyọka da Agidi ụbwọ kụ irya bala ọ-ka ọ-jẹ́ ẹla nyịlẹhị?