Ye Ụbwo Ọdada nya IJihova Myị Bwula Abwọ Ọrịrị

IJihova a kaa ya ẹjẹ nya ẹlịlẹhị tọ du kọ kaa da ụtẹ bala ọ-nwà ẹ-ẹpwụ ọkịlẹtụ nya ọngịnyị lẹ. (1Kọr 3:6-9) Chajị nyọọwa lẹ, kori kahị ka jẹ́-ẹ nwà kịlahị ẹ-ẹpwụ nya ẹrụ ọnyịịla ọ-kpa pyẹ myị aalẹ, o-ri opyii kahị ka kpụnịrọ iJihova nyọka dahị ụbwo bala angịlẹ kahị kaa mẹ ịBayịbụụ jẹ.

Bịlẹ iJihova kọ ka da ọngọlẹ ká kaa mẹ ang jẹ ụbwọ kọ ka bọhụ ẹ-ẹpwụ nya ịtụpyịpyị bala ọ-ka jẹ́-ẹ kụrụ ịmayẹ myị ịnyịnyị. (Filip 1:9, 10) Gu ang ọlẹ ka tịtọ kpangga ẹnyị. Raabwọ ká olegu ịgọgọ ka kpang ụgbẹyị ẹ-ẹpwụ nya irya ọkụkụ bala ịhọhọ nyang. (Luk 11:13) Mẹjẹ angịlẹ ká kaa jẹ ịBayịbụụ ta jaabwọ kị ka bwu raabwọ, bala o-jwaa ọhụ nyọka họ ịnyị. Raabwọ bala angịlẹ ká kaa mẹ ịBayịbụụ jẹ, bala ọ-raabwọ chajị nyaa ịnyịnyị, bwula o-gu ẹnyị nyaa.

YẸ IFIM ỌLẸ KỌ RI, YE ỌKẸKẸNỊ ỌLẸPWỤ NYA Ọ-HỌ KÁ ANGỊKỊLA KA RI ANGỊJỤGBẸYỊ BWULA O-YE ỤBWO ỌDADA NYA IJIHOVA MYỊ—ABWỌ ỌRỊRỊ, KANỤ WẸ ỊTỌ ẸLA ILEJI ỊLẸ:

• Iwe-ahụrụ ilujwo iyina Inori à tị́ gba chị ụka kọ wẹẹ jẹ ang bala Agidi?

• Ányị 1 ala ịKọrịntị 3:6 à tị́ bwu da Inori ụbwọ?

• Ányị iwe-ahụrụ ilujwo nya Inori à tị́ bwu cheju?