Akpa Ọ-da Ụbwọ
À kaa yé apyobwuna bwu ọdawụlẹ nya ọgba nya ịBayịbụụ ịlẹ kị juwa ẹ-ẹpwụ nya Research Guide for Jehovah’s Witnesses?
Ọdawụlẹ ịịwa ka dang ụbwọ nyọka jẹ́ ang kpori-kpori bwu ẹpwụ nya Omyi Ẹla nya Ohe. Ị ka da ẹla wụlẹ u-uhye nya ego nya ẹla ọla ọgba nya ịBayịbụụ ọhẹ, ang odudu kị da ẹla ọọwa, ọngọlẹ kị ya ẹla ọọwa rụ, lee etu nya omyi ẹla ọhẹ kpangga bwu ụwa myị́.
Watchtower ONLINE LIBRARY™ bala JW Library® ka ya iwe da hang nyọka jẹ́-ẹ ka ẹpwụ nya apwụ ịlẹ kị da ụbwọ ka ẹ-ẹpwụ nya Research Guide kpụrụrụ bwu ọgba nya ịBayịbụụ. À ka jẹ́-ẹ yẹ ẹga ọ-da ụbwọ ka ọọwa ka ụpwụriri nya ịBayịbụụ ọnyị myị́ ọnyị ká la.
Ụka ká ja kụ ẹhị yẹ ẹga ọ-da ụbwọ ká ịwẹ, ya ẹhị reeji nya ẹka ọlẹ kị da ụpwụ ọọwa. Apwụ ịlẹ kị ri inyeewe à kaa ji uhye jene lẹ. Apwụ inyogo ịlẹ kị ji taa da keji ka ya ẹla ịlẹ ká ọnwụhọ ji u-uhye nyaa tata lẹ myị́.
Ịgba nya ịBayịbụụ ịlẹ kị da ụbwọ ka apwụ ịla Research Guide kaa juwa kpụrụrụ ẹ-ẹpwụ nya Watchtower ONLINE LIBRARY.
Nyọka jẹ́-ẹ ka ẹga kị da ụbwọ ka apwụ ịkịla bwu ịgba nya ịBayịbụụ ịị JW Library, à ka la Research Guide ụ-ụwa ene bala ọ-ka kịlọọ ju myị́myị́ ụka kị ya ang inyeewe juwa. À ka jẹ́-ẹ họ ịnyị bwula ọ-ya ụbwọ ba ẹga ọlẹ kọ ri kịla ju u-uhye nya ụwa.