Egbeju nya Ẹla Ịkịla ịla Ẹpwang ọ-Kụ Gbeji
Iru nya aanahị kaa kpa JW Library® nwụla ang ọlẹ kị ka jẹ́ ọọjịra-jịra nọ. Ọ tị kaa kpịpyọ jaabwọ kọ kaa kpa ọngịnyị ka ang ọjẹ́jẹ ọlẹpwụ nya Ẹpwang ọ-Kụ Gbeji kpụrụrụ. Ẹpwang ọ-Kụ Gbeji ọ-kpa jẹ́ ang tị kaa la egbeju nya ẹla ịkịla ịlẹ kị ri ang oriri nya olegu ịnyịnyị. Ányị a tị́ ka jẹ́-ẹ wu egbeju nya ẹla ịwẹ ọyị la JW Library nyang bala ọ-ka yé apyobwuna bwu ụwa?
Ọ-ọbaba nya ang ọjẹ́jẹ ọlẹpwụ nya Ẹpwang ọ-Kụ Gbeji ọnyị myị́ ọnyị, à ka yẹ ẹga ọlẹ ko ri “Additional Reading.” E-ekpeleji nyamwụ, ya ụbwọ ba ẹga ọlẹ kọ ri “Other articles in this issue” mẹ. Kụ ẹhị yẹ ang ịlẹpwụ nya ụpwụ ọọwa, ká yẹ jaabwọ kị da ịnọmba ba egbeju nya ẹla ịlẹ kị ri ang ọjẹ́jẹ ẹ-ẹpwụ nya Ẹpwang ọ-Kụ Gbeji ọọwa nyọka jáa datị. Ya ụbwọ ba egbeju nya ẹla ọkịla ọlẹ kọ háng nyọka wa mẹ.
À ka jẹ́-ẹ kịla Ẹpwang ọ-Kụ Gbeji ọnyị myị́ ọnyị ju bwu ẹga ọlẹ kọ ri “What’s New” ọla ọmwụ ọdada nya JW Library ụka kọ kpehe onyeewe. Wụrụ ọlẹ ká kịla ju wẹ ká kụ ẹhị yẹ egbeju nya ẹla ịlụwa nyọka yé apyobwuna bwu ẹpwụ nyaa wuu mẹ.