Abu Baibul Dẹ Eju Wẹ?

ALU KI BAIBUL KA

“Iñmi Ọjọ ch’ẹñmiru ọla ọtakada ñwu duu.”—2 Timoti 3:16, Ọtakada Ọla Ọjọ.

ILE KI DEFU ÑWU WẸ

Ẹmofe ene afiteju efu ọlai wẹ.—Ita, Ita 2:1-5.

Ẹnibe ọmẹmẹlẹ kiya nẹle ọjọ duu.—Eli Ekọ d’Ọjọ 119:105.

Ukibeno ogbolo eju ọgba.—Abo Rom 15:4.

ANEKE KẸDỌNO ỌLA KI BAIBUL KA?

Eee, inyagbẹ todu ẹñwu mẹta i:

• Ejẹdama ọlañwu achawuwu . Iche t’ọdọ 1,600 le konẹ ọgbọ meji nẹkọ Baibul. Ojile ma li ọlama n. Tabalẹ tabalẹ, ọgbọdu ọtakada ma jẹdama, oji ọla ma ñọ chokate.

• Ọhiala ọgẹcha. Amak’ọhiala ahika dọwọ be chetu aboma ma. Ama i muda dabẹlẹ ugbo abo kikọ Baibul n. Makọ echetu ema kpai eyi abo ojanẹ ma.—2 Iko Iko Ẹñwu 36:15, 16; Eli Ekọ d’Ọjọ 51:1-4.

• Achẹ kẹ kibeno. Baibul che ka kuma na kpo ojanẹ Babilọn biẹ dabu ọdọ 200 ejọgba (Aizaya 13:17-22) Ika ọna ki Babilọn ana wanẹ kaite n, i muda dodu agboji ogwu lẹ gẹ!—Aizaya 45:1-3.

  Amachẹ omunẹ wewe tekinana, tekinya ki Baibul ka lẹ wa chẹ chili chili. I chẹñwu ka chukpẹ eneju kwu gbo ọla Ọjọ dẹyi n?—2 Pita 1:21.