Ọbata ana kpoji?

G’ẸÑWU KI BAIBUL KA

“Ọjọ . . . ali omi aku du b’uma eju tẹ; ukwu ñ’a dọmọ gẹ n; abẹk edaidọ, abẹk akuerọ abẹk iwọ adọmọ gẹ n.”—Ọla Ebitẹ 21:3, 4, Ọtakada Ọla Ọjọ.

ILE K’Ẹ NEKE NẸ KWEFU ẸÑWU KI BAIBUL KA-I

A NEKE KẸDỌN’ỌLA KI BAIBUL KA?

Iii, g’ẹñwu meji ki jẹñwu wa k’abalẹ:

• Ọjọ tene ọbata kpai uji n. Kpibe oji alu k’Ọjọ ch’iwọ ẹgba ku ma ach’abo-wñ alachi iko igbele. Baibul kakini Ọjọ ch’iwọ nana todu ‘ku ma che ma ọbata.’​—⁠Amakajọ 2:​18, Ọtakada Ọla Ọjọ.

  Ọjọ ñeju abo ku ma ach’ẹnẹ omunẹ ẹbiẹnẹ n. Dab’ujiwe, Baibul kakini “ọwọ ki ak’ẹbiẹ ki ma n’udu n dafo” chẹñwu ihiẹnẹ ñwu Jihofa.​—⁠Ita Ita 6:​16, 17.

• Ọjọ akwula ñw’okoke wa. Dabalu k’ẹnẹnẹnẹnẹ che ‘m’ẹdọdudu kp’iwọ e-wñ’, abalẹ Jihofa ñọ che ma gẹ!​—⁠2 Iko Iko Ẹwñ 6:​29, 30.

  I agbanẹ gẹ n, Jihofa ad’Ojanẹ-wñ d’ọbata okoke wa w’ukpoji. (Matiu 6:​9, 10) Abajọ-i i ad’ugbẹdọ ñw’abo ku ma  atene-wñ ọgbolo.​—⁠Ẹwñ k’Amẹnukpuchẹ Che 17:27; 2 Abo Kọrint 1:​3, 4.