Abo ki kwu neke dabi deju gẹ?

G’ẸÑWU KI BAIBUL KA

“Udajikwanẹ . . . adọmọ.”—Ẹwñ k’Amẹnukpuchẹ Che 24:15, Ọtakada Ọla Ọjọ.

ILE K’Ẹ NEKE NẸ KWEFU ẸÑWU KI BAIBUL KA-I

A NEKE KẸDỌN’ỌLA KI BAIBUL KA?

Iii, g’ẹñwu mẹta ki jẹñwu wa k’abalẹ:

• Ọjọ ch’ọna iñmi. Baibul kakini ugbo Jihofa “ẹbi omi e-iñmi dẹ.” (Eli Ekọ D’Ọjọ 36:9; Ẹwñ 17:24, 25) Ẹnẹ ki d’iñmi ñw’ẹñwu duu ki deju che bọjọ edabi d’iñmi ñw’ẹnẹ duu ki kwu.

• Ọjọ che k’amonẹ dajikwanẹ iko igbele. Baibul k’ọhiala amonẹ mẹjọ k’Ọjọ dabi du dajikwanẹ w’ef’ilẹ-i, t’imọtọ, t’ogijo, ẹnẹkẹlẹ kpai onobulẹ. Abo ka efu ma kwu gbanẹ n. Ama, i muda n’ẹnẹ ka ki j’ọjọ mẹlẹ ef’oji taku ma du daji! —Jọn 11:39-44.

• I la d’Ọjọ ẹdọ ki dabi che gẹ. Ọjọ ach’ulaka ukwu, i la af’u li r’ẹnebi-wñ. (1 Abo Kọrint 15:26) Ọjọ anẽju ki f’ẹnọla lẹ du lefu ek’abo ki kwu dajikwanẹ. I la ñọ ach’ẹdọ chacha ki m’abo ki defu urewa-wñ du dabi w’ef’ilẹ-i.—Job 14:14, 15.