K’ọla Lugbo Ẹn̄wu Ki D’ẹdọ Amonẹ

Ẹn̄wu ki Jisọs Che

VIDIO: Jisọs Kp’Onobulẹ Ki W’Ura-omi Lẹ

1. Go VIDIO, abẹk’ẹ gba Jọn 4:6-9. Ubilẹ kpibe oji am’ene-i:

1. Ẹn̄wu Jisọs li lugbo onobulẹ lẹ taki i chanẹ ukọla?

2. Jisọs kakini: “D’omi n̄wu mi n̄mọ.” Abu e-lẹ ch’ọna ọmẹmẹlẹ ki Jisọs chanẹ ukọla kpai onobulẹ lẹ?

Ẹn̄wu A Kọchẹ Kwugbo Jisọs?

2. Ukọla wa kpai amonẹ neke n’oji ichẹn̄wu ka chanẹ ọla wa kpai ẹn̄wu ki du ma ẹdọ.

Ch’awọli Jisọs

3. Chanẹ ukọla ef’ọna ojoji ojoji. Ich’otila iche kẹ chanẹ ukọla kpai ẹn̄wu kẹ mọlatanẹ kwobi n. Chanẹ kpai ẹn̄wu k’amonẹ a kpibe oji-wn̄ en̄ini-i. T’ọla wẹ ene:

1. ‘Ẹn̄wu ch’aminabali ki d’anẹ ajọ-i?’

2. ‘Ẹn̄wu abo unyi mi, abo ukọlọ mi kpai abo ichekpulu (school) mi a k’ọla lugbo n̄wu?’

4. Eju wẹ ki chẹ fẹranẹ. T’ọla wẹ ene:

1. ‘Ẹn̄wu ẹnẹ lẹ ache abajọi? Ẹn̄wu i neke na kpibe oji n̄wu?’

2. ‘Ẹn̄wu ukpo ki d’ọla-wn̄, alu k’eju-wn̄ dẹ abeki alu k’unyi-wn̄ dẹ ka n̄wu mi lugbo ẹn̄wu ki kẹdọno abẹki ugbo ki kwo?’

3. ‘Iko-i che nyọ kuna k’ọla kp’own̄?’

5. Neti.

1. Ẹ k’ọla wewe n.

2. Jẹn̄wu ẹnẹ kẹ k’ọla kp’own̄ ki k’ọla lugbo ẹn̄wu ki d’ẹdọ-wn̄. Iko ki nyọ, ẹ neke t’ẹnẹ lẹ ene.