K’ọla Kp’ẹnẹ Lẹ Dabu Onukwu Wẹ

Ẹn̄wu ki Filip Che

VIDIO: Filip J’uchẹnyọ R’Onoji Itiopia Lẹ

1. Go VIDIO, abẹk’ẹ gba Ẹwn̄ 8:30, 31. Ubilẹ kpibe oji am’ene-i:

1. Abu Filip chanẹ oluka kpai ẹnẹ lẹ le?

2. Abu Filip k’ọla kpai ẹnẹkẹlẹ lẹ dabu onukwu-wn̄, abu e-lẹ jẹnwu ki lọla n̄wu Filip ki k’ọla kp’own̄ lugbo ochochi etitọ le?

Ẹn̄wu A Kọchẹ Kwugbo Filip?

2. Ichẹn̄wu kẹ k’ọla kp’ẹnẹ lẹ dabu onukwu wẹ, e-lẹ ajẹn̄wu ki mi tọkọọ, i la n̄eju ki ch’oluka kp’uwẹ.

Ch’awọli Filip

3. Eju wẹ ki chẹ fẹranẹ. Ẹ neke m’ẹnẹ lẹ nyọnyọ ichẹn̄wu kẹ go alu kia ch’eju-wn̄ kpai ọna kia ch’ọla-wn̄ le. I d’ẹdọ ẹnẹ lẹ ki ch’oluka kp’uwẹ? Ichẹn̄wu kẹ tene chanẹ oluka lugbo ochochi ka kwefu Baibul, ẹ neke t’ẹnẹ le ene abẹi, “Ẹ che ma kakini . . . ?” I ch’otila iche kẹ k’ọla kpai ẹnẹ ki ma n̄eju ech’ọluka kpai uwẹ n.

4. Na jẹdọ. I ch’ẹrẹrẹ kẹ chanẹ oluka kpai ẹnẹ lẹ ẹ k’ọla lugbo Baibul. Jẹdọ k’iko ọmẹmẹlẹ ki dukpẹ kẹ k’ọla lugbo Baibul lia. Iko ẹbọ, i neke che kakini ẹ jẹdọ gbogbo w’ọjọ omunẹ kẹ k’ọla kp’ẹnẹ lẹ.

5. R’ọwọ da, k’ọla lugbo ẹn̄wu ki d’ẹdọ ẹnẹ lẹ. Alu kẹ ẹ k’ọla lugbo ẹn̄wu kẹ mọlatanẹ, ẹnẹ lẹ neke chanẹ ek’ọla lugbo ẹn̄wu omune ki d’ẹdọ-wn̄. Todulẹ, f’ọla mu kẹ choluka lugbo ẹn̄wu omunẹ kia tunyu ẹdọ ẹnẹ lẹ, dagba i che kakini ẹ ch’oluka lugbo ochochi Baibul omunẹ ki ch’ojoji-n̄w e-kẹ mọlatanẹ kwobi.