Chẹn̄wu Kia Du N̄a Kaki Ẹ Mọla

Ẹn̄wu ki Jisọs Che

VIDIO: Jisọs M’eju Afeju Chi

1. Go VIDIO, abẹk’ẹ gba Jọn 9:1-7. Ubilẹ, kpibe oji am’ene-i:

1. Ẹn̄wu chẹn̄wu ejodudu ki Jisọs che—i m’eju afeju lẹ chi abẹk i k’ọla lugbo uchẹnyọ n̄w u?—Go Jọn 9:35-38.

2. Ẹn̄wu chi k’ẹn̄wu ejodudu ki Jisọs che jẹn̄wu ki lọla n̄wu ẹnẹkẹlẹ lẹ ki netiru ọla uchẹnyọ?

Ẹn̄wu A Kọchẹ Kwugbo Jisọs?

2. I alọla n̄wu ẹnẹ lẹ ki netiru ọla uchẹnyọ k’aka ichẹn̄wu ki li kaki a kwula n̄w u.

Ch’awọli Jisọs

3. Kpibe lugbo ẹn̄wu kia ch’ẹnẹlẹ.

1. T’ọla wẹ am’ene-i: ‘Ẹn̄wu neke na jẹn̄wu d’ejiji? Ẹn̄wu neke chatẹko n̄wu?’ Ẹ-lẹ ajẹn̄wu ẹ d’umọla ochochi n̄ọ kwef ẹdọ wẹ.

2. Du n̄a kaki ẹn̄wu ki lugbo ẹnẹ lẹ ch’ẹn̄wu kpaka eju wẹ lef enetiru. Ichen̄wu k’onẹ ka n̄wẹ akanya kia le gwefu n̄w du, ẹ ki r’ọla lẹ da n.

4. K’ọla yọọ kẹ la d’ojima n̄wu. Ichẹn̄wu kẹ ch’ejumomi n̄wu kẹ la atene chatẹko n̄wu ochochi, i atejugede ef’ukọla wẹ. Tu ọla kẹ ka nyọnyọ kpai alu kẹ ka le. Ẹ ki kọla kia kp’ẹdo biẹ n.

5. Chatẹko n̄wu. Na tene un̄a kẹ neke du chatẹko amonẹ. Ichẹn̄wu k’a ch’ọwọ kp’amonẹ, e-lẹ neke jẹn̄wu ma neti ru ọla wa.