Na Hiọlawanẹ

Ẹn̄wu Ki Pọl Che

VIDIO: Pọl J’uchẹnyo R’Onu Agripa

1. Go VIDIO, abẹk’ẹ gba Ẹwn̄ 26:2,3. Ubilẹ, kpibe oji am’ene-i:

1. Abu Pọl du n̄a kaki i ahiọlawanẹ ẹgba kia k’ọla kpai Onu Agripa?

2. Ẹn̄wu Pọl ka ki du n̄a kaki i d’ojima n̄wu ọla-wn n, k’i muda ad’ojima n̄wu Jihofa kpai Baibul? —Go Ẹwn̄ 26:22

Ẹn̄wu A Kọchẹ Kwugbo Pọl?

2. Uchẹnyọ ka ajẹ ar’amonẹ eju ichẹn̄wu ka k’ọla kpai uhiọlawanẹ manyu ojima.

Ch’awọli Pọl

3. Na k’ọla kpai ojima. Ẹ ki du n̄a kaki ẹ mọ t’ẹnẹ lẹ le n.

4. Du n̄ọ kaki ẹn̄wu ku mẹ k’ọchẹ chefu Baibul i kwo. Am’ọla ki defu Baibul atunyu onẹ ẹdọ. Ichẹn̄wu ka du chekwu, i ajẹn̄wu ẹtẹ ukẹdọno ma ki lonyanẹ.

5. Dẹ chikimi. Ẹ ki tan’oji ọla e-wẹ n. A tene ka j’in̄wa n. Ẹ d’uhiọlawanẹ n̄a ichẹn̄wu kẹ gwu yẹẹ kẹ la m’ẹgba ki dukpẹ kẹ kwọmọ. (Ita. 17:14; Tai 3:2) Ọla ọchikimi eka neke jẹn̄wu ẹnẹ lẹ neti r’ọla wa ọjọ omunẹ.