Na D’ibe K’ọla N̄wu Amonẹ

Ẹn̄wu ki Pọl Che

VIDIO: Pọl J’uchẹnyọ R’Abo Atẹns

1. Go VIDIO, abẹk’ẹ gba Ewn̄ 17:22, 23. Ubilẹ kpibe oji am’ene-i:

1. Abu ki Pọl li kaki ewo Atẹns ch’ode ode, ab’idẹ efu ẹdọ-wn?—Go Ẹwn̄ 17:16.

2. Dagba ki Pọl ma k’ajọ abo Atẹns n, abu i n’ibe j’uchẹnyọ lefu ẹn̄wu ku ma kẹdọno?

Ẹn̄wu A Kọchẹ Kwugbo Pọl?

2. Amonẹ a n̄eju ku ma neti r’ọla wa ichẹn̄wu k’ad’ibe ma ẹn̄wu k’aka, ẹgba k’aka, manyu ugbo k’aka.

Ch’awọli Pọl

3. F’ọla k’ẹ ka tu nyọnyọ. Go ujiwe-i, ichẹn̄wu kẹ k’ọla kpai ẹnẹ ki ma n’ẹn̄wu du ache kpai abo kraist n, ẹ neke r’ọwọ da ọna k’ẹ d’ọla ki lugbo Baibul kpai Jisọs w’efu oluka lẹ todu ki lọla enẹreju, ki la we kp’ọna nyu oluka lẹ.

4. Ẹ ki hika ka k’ẹn̄wu k’ẹnẹ lẹ ka i nyọ n. Jẹn̄wu ki neke ka alu ki dẹ ef’ẹdọ-wn̄. Ichẹn̄wu k’ẹn̄wu ki ka ma defu Baibul n, ẹ ki j’in̄wa kp’own n. (Jem. 1:19) Ichẹn̄wu k’ẹ netiru, e-lẹ ajẹn̄wu wẹ m’ẹn̄wu ki k’ẹdọno kpai ẹn̄wu ki chi ki kẹdọno. —Ita. 20:5.

5. Jẹ kpai ọla ọmẹmẹlẹ du ki ka, kẹ la jẹnyu n̄w. I neke che kakini, ef’ẹdọ-wn̄ ọna Ọjọ egwa e-wn ch’ochochi. K’ọla lugbo ẹn̄wu k’ejeji mẹ jẹ dama, ubilẹ ch’atẹko wn̄ k’ẹn̄wu ki Baibul ka ki nẹreju.