Na Ch’iwọ Omunẹ

Ẹn̄wu ki Jisọs Che

VIDIO: Jisọs Ch’ejumomi Ọwọ Amonẹ

1. Go VIDIO, abẹk’ẹ gba Mark 6:30-34. Ubilẹ, kpibe oji am’ene-i:

1. Ẹn̄wu chi ki Jisọs kpai amẹnukpuchẹ-wn̄ atene k’ama kate ki “lewa j’ọwọ ka”?

2. Ẹn̄wu di Jisọs ẹdọ kwanẹ ki kọ ọwọ amonẹ?

Ẹn̄wu A Kọchẹ Kwugbo Jisọs?

2. Ichi ek’ọla uchẹnyọ n̄wu amonẹ kate ch’ẹn̄wu ogbogaga n ama ech’atẹko ma ch’ẹn̄wu ogbogaga gẹ.

Ch’awọli Jisọs

3. Na neti nyọnyọ. Jẹn̄wu ẹnẹ lẹ ki k’ọla alu ki dẹ efu ẹdọ-wn̄. Ẹ ki kpọla nyu alu n. Ichẹn̄wu ki akọla lugbo ihianyi-wn̄ abẹk i jẹ kpai ẹn̄wu ka ki defu Baibul n abẹk i n’ẹn̄wu omunẹ ki ka kwef ẹdọ-wn̄, ẹ ki hika du dafo n. Ichẹn̄wu k’ẹ neti ru nyọnyọ, ẹ du tejugede n̄wu kaki ọla-wn̄ che w’ẹ eju.

4. Kpibe oji ẹnẹ kia n̄eju ọla uchẹnyọ ejẹ. Kwefu oluka ku mẹ che-i, t’ọla wẹ am’ene-i:

1. ‘Ẹn̄wu chi ki dukpẹ ki m’ochochi ki defu Ọla Ọjọ?’

2. ‘Abu e ch’ukọchẹ Baibul ach’atẹko n̄wu ki n’uyọ abajọ-i kpai ej’ọgba n̄wu?’

5. Kọla lugbo ẹn̄wu ki neke ch’atẹko n̄w. Ẹ ki jẹn̄wu ki kpọkpẹ n tak ẹ du n̄ọ alu k’ukọchẹ Baibul neke d’ohi am’ene-wn̄ kpai alu ki neke ch’atẹko n̄w.