2 Cronicas

20 Ket naaramid kalpasanna a ti annak ti Moab+ ken ti annak ti Ammon+ ken naikuyog kadakuada ti sumagmamano kadagiti Ammonim+ immayda a maibusor ken Jehosafat iti gubat.+ 2 Gapuna adda tattao nga immay ken nangibaga ken Jehosafat, a kunkunada: “Adda immay maibusor kenka a maysa a dakkel a bunggoy manipud rehion ti baybay, manipud Edom;+ ket addada idiay Hazazon-tamar, kayatna a sawen, En-gedi.”+ 3 Iti kasta nagbuteng ni Jehosafat+ ket insaadna ti rupana tapno birokenna ni Jehova.+ Gapuna nangiwaragawag iti panagayunar+ iti intero a Juda. 4 Kamaudiananna naummong a sangsangkamaysa dagiti kameng ti Juda tapno agimtuodda ken Jehova.+ Manipud a mismo kadagiti amin a siudad ti Juda immayda tapno makiumanda ken Jehova.+

5 Idin timmakder ni Jehosafat iti kongregasion ti Juda ken ti Jerusalem idiay balay ni Jehova+ iti sango ti baro a paraangan,+ 6 ket kinunana:+

“O Jehova a Dios dagidi ammami,+ saanka aya a Dios iti langlangit,+ ket saanka aya a mangdomdominar kadagiti amin a pagarian dagiti nasion,+ ket saan aya nga adda ita imam ti bileg ken kinamannakabalin, nga awan asinoman a makapagtalinaed iti takderna maibusor kenka?+ 7 Saan aya a sika, O Diosmi,+ pinagtalawmo dagiti agnanaed iti daytoy a daga manipud sanguanan ti ilim nga Israel+ ket kalpasanna intedmo+ dayta iti bin-i ni Abraham, ti managayat kenka,+ agingga iti tiempo a di nakedngan? 8 Ket nagnaedda iti dayta, ket imbangonandaka iti dayta iti santuario a maipaay iti naganmo,+ a kunkunada, 9 ‘No addanto dumteng kadakami a didigra,+ kampilan, di mainugot a pannakaukom, wenno angol+ wenno nakaro a bisin,+ bay-annakami nga agtakder iti sanguanan daytoy a balay+ ken iti sanguanam (ta ti naganmo+ adda iti daytoy a balay), tapno makaasugkami kenka maipaay iti tulong manipud rigatmi, ket dumngegka koma ken mangisalakanka.’+ 10 Ket ita adtoy ti annak ti Ammon,+ ken ti Moab+ ken ti nakabambantay a rehion ti Seir,+ isuda a dika impalubos a serreken ti Israel idi rumrummuarda manipud daga ti Egipto, no di ket pinanawanda ida ket saanda ida a tinalipupos,+ 11 wen, adtoy gunggonaandakami+ babaen ti iseserrekda tapno pagtalawendakami iti sanikuam nga impatagikuam kadakami.+ 12 O Diosmi, saanmonto aya nga ipakat ti panangukom kadakuada?+ Ta awanankami iti pannakabalin iti sanguanan daytoy dakkel a bunggoy nga um-umay a bumusor kadakami;+ ket dakami saanmi nga ammo no ania ti rebbeng nga aramidenmi,+ no di ket situturong kenka dagiti matami.”+

13 Bayat dayta sitatakder idi iti sanguanan ni Jehova ti amin a kameng ti Juda,+ uray ti ubbingda,+ ti assawada ken ti annakda.

14 Ita no maipapan ken Jahaziel nga anak ni Zacarias nga anak ni Benaias nga anak ni Jeiel nga anak ni Matanias a Levita iti annak ni Asaf,+ ti espiritu+ ni Jehova naadda kenkuana iti tengnga ti kongregasion. 15 Iti kasta kinunana: “Mangipangagkayo, isuamin a Juda ken dakayo nga agnanaed iti Jerusalem ken sika Ari Jehosafat! Kastoy ti kinuna kadakayo ni Jehova, ‘Dikay agbuteng+ wenno agkullayaw gapu iti daytoy dakkel a bunggoy; ta ti bakal saanyo a kukua, no di ket kukua ti Dios.+ 16 Inton bigat sumalogkayo a bumusor kadakuada. Sadiay sumangsang-atda iti bessang ti Ziz; ket siguradonto a masarakanyo ida idiay ungto ti naapres a ginget iti sango ti let-ang ti Jeruel. 17 Saanyonto a kasapulan ti makirupak+ iti daytoy a kasasaad. Agsaadkayo, agtakderkayo a siiintek+ ket kitaenyo ti panangisalakan+ ni Jehova maigapu kadakayo. O Juda ken Jerusalem, dikay agbuteng wenno agkullayaw.+ Inton bigat rummuarkayo a bumusor kadakuada, ket addanto kadakayo ni Jehova.’”+

18 Dagus a nagrukob ni Jehosafat a ti rupana dumanon iti daga,+ ket ti isuamin a Juda ken dagiti met laeng agnanaed iti Jerusalem nagpaklebda iti sanguanan ni Jehova tapno agruknoyda ken Jehova.+ 19 Idin timmakder dagiti Levita+ iti annak dagiti Cohatita+ ken iti annak dagiti Korita+ tapno idaydayawda ni Jehova a Dios ti Israel buyogen ti maysa a nalablabes ti kinanatbagna a timek.+

20 Ket bimmangonda a nasapa iti bigat ket rimmuarda a mapan idiay let-ang+ ti Tecoa.+ Ket bayat a rumrummuarda idi, timmakder ni Jehosafat ket kalpasanna kinunana: “Denggendak, O Juda ken dakayo nga agnanaed iti Jerusalem!+ Maaddaankayo iti pammati+ ken Jehova a Diosyo tapno makapagpautkayo. Maaddaankayo iti pammati kadagiti mammadtona+ ket iti kasta agballigikayo.”

21 Kanayonanna, nakinumo+ kadagiti umili ket nangisaad kadagiti kumakanta+ maipaay ken Jehova ken kadagidiay agidatdaton iti panagdayaw+ buyogen ti nasantuan nga arkos+ bayat a mapmapanda idi nga umun-una kadagiti armado a lallaki,+ ket kunkunana: “Ipaayyo ti daydayaw ken Jehova,+ ta ti naayat a kinamanangngaasina ket agingga iti tiempo a di nakedngan.”+

22 Ket iti tiempo a panangirugida ti narag-o nga ikkis ken panangidaydayaw, nangikabil ni Jehova kadagiti lallaki nga agsaneb+ maibusor iti annak ti Ammon, Moab ken ti nakabambantay a rehion ti Seir isuda nga um-umay idi iti Juda, ket kinabilda ti maysa ken maysa.+ 23 Ket timmakder ti annak ti Ammon ken Moab maibusor kadagiti agnanaed iti nakabambantay a rehion ti Seir+ tapno ipaay ida iti pannakadadael ken talipuposen ida; ket apaman a nalpasda kadagiti agnanaed iti Seir, tinulonganda ti tunggal maysa a mangdadael iti bukodna a kadua.+

24 Ngem no maipapan iti Juda, dimteng agingga iti pagwanawanan ti let-ang.+ Idi timmaliawda a sumango iti bunggoy, ay ket, sadiay addada idi, dagiti bangkayda napasag iti daga+ nga awan asinoman a nakatalaw. 25 Gapuna immay ni Jehosafat ken dagiti umilina tapno samsamenda ti ginam-ud+ kadakuada, ket nakasarakda kadakuada iti kinaruay agpadpada dagiti sanikua ken pagan-anay ken matarigagayan nga ar-aruaten; ket inal-alas-asda ida maipaay iti bagbagida agingga a saandan a maawit.+ Ket tallo nga aldaw a samsamsamenda idi ti ginam-ud, ta naruay idi dayta. 26 Ket iti maikapat nga aldaw naguummongda a sangsangkamaysa idiay nababa a tanap ti Beraca, ta sadiay binenditoda ni Jehova.+ Dayta ti makagapu a pinanagananda+ dayta a lugar iti Nababa a Tanap ti Beraca—agingga ita nga aldaw.

27 Kalpasanna nagsubli amin dagiti lallaki ti Juda ken Jerusalem, a ni Jehosafat ti adda iti sanguananda, tapno agsublida idiay Jerusalem buyogen ti panagrag-o, ta pinagrag-o ida ni Jehova iti ngatuen dagiti kabusorda.+ 28 Gapuna dimtengda idiay Jerusalem buyogen dagiti pagtokar nga adda kuerdasna+ ken buyogen dagiti arpa+ ken buyogen dagiti trumpeta+ agingga iti balay ni Jehova.+ 29 Ket ti panagalinggaget+ iti Dios dimteng kadagiti amin a pagarian ti dagdaga idi nangngegda a nakirupak ni Jehova kadagiti kabusor ti Israel.+ 30 Iti kasta ti naarian a pagturayan ni Jehosafat awanan pannakasinga idi, ket nagtultuloy nga impaayan ti Diosna iti inana iti intero nga aglikmut.+

31 Ket ni Jehosafat+ nagtultuloy a nagturay iti Juda. Tallopulo ket lima ti tawenna idi nangrugi nga agturay, ket iti duapulo ket lima a tawen nagturay idiay Jerusalem. Ket ti nagan ti inana Azuba+ nga anak ni Silhi. 32 Ket nagtultuloy a nagna iti dalan ni amana nga Asa,+ ket saan a simiasi iti dayta, babaen ti panangaramidna no ania ti umiso kadagiti mata ni Jehova.+ 33 Isuna laeng ta saan a nagpukaw dagiti mismo a nangato a disso;+ ket dagiti met laeng umili saanda pay a naisagana ti pusoda maipaay iti Dios dagidi ammada.+

34 No maipapan iti dadduma pay kadagiti pasamak ni Jehosafat, ti umuna ken ti maudi, sadiay naisuratda a nairaman kadagiti sao ni Jehu+ nga anak ni Hanani,+ a nairagpin iti Libro+ ti Ar-ari ti Israel. 35 Ket kalpasan daytoy ni Jehosafat nga ari ti Juda nakisugpon ken Ocozias+ nga ari ti Israel, a nagtignay a sidadangkes.+ 36 Gapuna isu insugponna iti bagina iti panagaramid kadagiti barko a mapan idiay Tarsis+ ket nagaramidda kadagiti barko idiay Ezion-geber.+ 37 Nupay kasta, ni Eliezer nga anak ni Dodavahu ti Maresa nagsao a naimpadtuan maibusor ken Jehosafat, a kunkunana: “Yantangay nakisugponka ken Ocozias,+ sigurado a rebbaento ni Jehova dagiti aramidmo.”+ Iti kasta narba dagiti barko,+ ket saanda a naaddaan iti pigsa a mapan idiay Tarsis.+