Salmo

146 Idaydayawyo ni Jah!+

Idaydayawmo ni Jehova, O kararuak.+

 2 Idaydayawkonto ni Jehova bayat ti panagbiagko.+

Mangipaayakto iti samiweng iti Diosko bayat nga addaak.+

 3 Dikay ikabil ti panagtalekyo kadagiti natan-ok,+

Wenno uray iti anak ti naindagaan a tao, a kenkuana awan pannakaisalakan.+

 4 Ti espirituna pumanaw,+ isu agsubli iti dagana;+

Iti dayta nga aldaw mapukaw dagiti panunotna.+

 5 Naragsak daydiay a ti Dios ni Jacob ti katulonganna,+

A ti namnamana adda ken Jehova a Diosna,+

 6 Ti Nangaramid iti langit ken daga,+

Iti baybay, ken iti isuamin nga adda kadakuada,+

Daydiay mangsalimetmet iti kinapudno agingga iti tiempo a di nakedngan,+

 7 Daydiay mangipakat iti panangukom maipaay kadagidiay a nasaur,+

Daydiay mangted iti tinapay kadagidiay mabisin.+

Luk-atan ni Jehova dagidiay a nabalud.+

 8 Luktan ni Jehova ti matmata dagidiay bulsek;+

Patakderen ni Jehova dagidiay naparukob;+

Ay-ayaten ni Jehova dagidiay nalinteg.+

 9 Saluadan ni Jehova dagiti ganggannaet nga agnanaed;+

Ti awan amana nga ubing ken ti balo a babai pabang-aranna,+

Ngem ti dalan+ dagidiay nadangkes killuenna.+

10 Ni Jehova agarinto agingga iti tiempo a di nakedngan,+

Ti Diosmo, O Sion, iti kinapkaputotan.+

Idaydayawyo ni Jah!+