Apocalipsis

2 “Iti anghel+ ti kongregasion idiay Efeso+ isuratmo: Dagitoy ti bambanag a kuna daydiay mangig-iggem iti pito a bituen+ iti makannawan nga imana, a magmagna iti nagtetengngaan ti pito a nabalitokan a pagsaadan ti silaw,+ 2 ‘Ammok dagiti aramidmo,+ ken ti panagbannog ken panagibturmo, ket saanmo a maanusan dagiti dakes a tattao, ket subokem+ dagidiay agkunkuna nga apostolda,+ ngem saanda met a kasta, ket nasarakam ida a naulbod. 3 Mangipakpakitaka met iti panagibtur,+ ken naganuska maigapu iti naganko+ ket saanka a nabannog.+ 4 Nupay kasta, adda daytoy a busorek kenka, ta pinanawam ti ayat nga adda kenka idi damo.+

5 “‘Gapuna lagipem no manipud ania ti nakatnagam, ket agbabawika+ ken aramidem dagiti immuna nga aramid. No saanmo nga aramiden, umayak kenka,+ ket ikkatekto ti pagsaadan ti silawmo+ manipud lugarna, malaksid no agbabawika. 6 Kaskasdi, addaanka iti daytoy, a kaguram+ dagiti aramid ti sekta ni Nicolas,+ a kagurak met. 7 Daydiay addaan lapayag denggenna koma ti kunaen ti espiritu+ kadagiti kongregasion: Kenkuana nga agballigi+ ipaluboskonto a mangan iti kayo ti biag,+ nga adda iti paraiso ti Dios.’

8 “Ket iti anghel+ ti kongregasion idiay Smirna isuratmo: Dagitoy ti bambanag a kunana, ‘ti Umuna ken ti Maudi,’+ a natay ken nagbiag manen,+ 9 ‘Ammok ti rigat ken kinakurapaymo—ngem nabaknangka+—ken ti panagtabbaaw dagidiay agkunkuna nga isuda Judioda,+ ket kaskasdi a saanda a kasta no di ket sinagoga ida ni Satanas.+ 10 Dika pagamkan ti bambanag a dandanimon sagabaen.+ Adtoy! Ti Diablo+ agtultuloyto a mangipisok iti sumagmamano kadakayo iti pagbaludan tapno naan-anay a masubokkayo,+ ken tapno maaddaankayo iti rigat+ iti sangapulo nga aldaw. Paneknekam ta bagim a matalek uray agingga ken patay,+ ket itedkonto kenka ti korona ti biag.+ 11 Daydiay addaan lapayag denggenna koma+ ti kunaen ti espiritu+ kadagiti kongregasion: Ti agballigi+ saanto a pulos madangran ti maikadua nga ipapatay.’+

12 “Ket iti anghel ti kongregasion idiay Pergamo isuratmo: Dagitoy ti bambanag a kuna daydiay addaan iti natarumamis, atiddog a kampilan a dua ti tademna,+ 13 ‘Ammok no sadino ti pagnanaedam, awan sabali, sadiay ayan ti trono ni Satanas; ket kaskasdi nga agtultuloy a salsalimetmetam a sititibker ti naganko,+ ket saanmo nga inlibak ti pammatim kaniak+ uray pay idi kaaldawan ni Antipas, ti saksik,+ daydiay matalek, a napapatay+ iti dennayo, a sadiay ti pagnanaedan ni Satanas.

14 “‘Nupay kasta, adda sumagmamano a banag a busorek kenka, nga adda kenka dita dagidiay mangsalsalimetmet a sititibker iti sursuro ni Balaam,+ a napan nangisuro ken Balak+ a mangikabil iti pakaitibkolan iti sanguanan ti annak ti Israel, tapno manganda iti bambanag a naisakripisio kadagiti idolo ken tapno makiabigda.+ 15 Iti kasta adda met kenka dagidiay mangsalsalimetmet a sititibker iti sursuro ti sekta ni Nicolas.+ 16 Gapuna agbabawika.+ No saan, umayak kenka a sidadaras, ket makigubatakto+ kadakuada babaen iti atiddog a kampilan ti ngiwatko.+

17 “‘Daydiay addaan lapayag denggenna koma ti kunaen ti espiritu kadagiti kongregasion:+ Kenkuana nga agballigi+ mangtedakto iti sumagmamano kadagiti nailemmeng a manna,+ ket mangtedakto kenkuana iti bassit a bato a puraw, ket iti bassit a bato naisurat ti maysa a baro a nagan+ nga awan ti makaammo malaksid iti daydiay umawat iti dayta.’+

18 “Ket iti anghel ti kongregasion idiay Tiatira+ isuratmo: Dagitoy ti bambanag a kuna ti Anak+ ti Dios, daydiay a dagiti matana umasping iti gumilgil-ayab nga apuy,+ ket dagiti sakana umasping iti nasudi a gambang,+ 19 ‘Ammok dagiti aramidmo, ken ti ayat+ ken pammati ken ministerio ken panagibturmo, ket dagiti aramidmo+ a naud-udi ad-aduda ngem dagidiay immun-una.+

20 “‘Nupay kasta, adda daytoy a busorek kenka, a pampanuynoyam dayta babai a Jezebel,+ nga awaganna ti bagina a mammadto, ket isuro+ ken iyaw-awanna dagiti adipenko+ tapno makiabigda+ ken tapno manganda iti bambanag a naisakripisio kadagiti idolo.+ 21 Ket nangtedak kenkuana iti tiempo tapno agbabawi,+ ngem saanna a kayat ti agbabawi iti pannakiabigna.+ 22 Adtoy! Isu dandanikon ipuruak iti pagiddaan ti masakit, ken dagidiay makikamkamalala kenkuana nga agturong iti dakkel a rigat, malaksid no agbabawida kadagiti aramidna. 23 Ket ti annakna papatayekto babaen ti makapapatay a saplit, tapno amin dagiti kongregasion maammuandanto a siak daydiay mangsukimat kadagiti bekkel ken puspuso, ket mangtedakto iti tumunggal maysa kadakayo sigun kadagiti aramidyo.+

24 “‘Nupay kasta, kunaek iti dadduma kadakayo nga adda idiay Tiatira, kadagidiay amin nga awanan iti daytoy a sursuro, kadagidiay mismo a saan a nakaammo iti “nauneg a bambanag ni Satanas,”+ a kas iti kunada: Saanak a mangipabaklay kadakayo iti aniaman a sabali pay nga awit.+ 25 Nupay kasta, salimetmetanyo a sititibker ti adda kadakayo+ agingga nga umayak. 26 Ket kenkuana nga agballigi ken mangtungpal kadagiti aramidko agingga iti panungpalan+ itedkonto ti autoridad kadagiti nasion,+ 27 ket ipastorannanto dagiti tattao babaen ti sarukod a landok+ tapno iti kasta marumrumekdanto a kas kadagiti damili a basehas,+ kas met laeng ti inawatko ken Amak, 28 ket itedkonto kenkuana ti bituen iti agsapa.+ 29 Daydiay addaan lapayag denggenna koma ti kunaen ti espiritu+ kadagiti kongregasion.’+