Job

28 “Adda lugar a pagminasan iti pirak

Ken lugar ti balitok a pagbalinenda a puro;+

 2 Ti landok ket maala iti daga

Ket matunaw* ti gambang manipud iti dadakkel a bato.+

 3 Ti tao parmekenna ti kinasipnget;

Sukisokenna ti pungto ti kinalidem ken kinasipnget

Iti panagbirokna iti bato.

 4 Agkali iti abut nga adayo iti paggigianan ti tattao,

Kadagiti nalipatanen a lugar nga adayo iti pagpagnaan ti tattao;

Umulog ti dadduma a tattao ken agbitinda babaen ti tali.

 5 Iti rabaw ti daga ti paggapuan ti taraon;

Ngem iti unegna, mabalbaliwan dayta a kasla maigapu iti apuy.*

 6 Adda safiro kadagiti bato,

Ken adda balitok iti tapok.

 7 Awan ti dakkel a billit a makaammo iti dalan nga agturong iti dayta;

Saan met a nakita dayta ti mata ti billit a gikgik.

 8 Awan ti narungsot nga animal nga agpagnapagna idiay;

Saan nga agsursor sadiay ti urbon a leon.

 9 Buraken ti tao ti dakkel ken natangken a bato* babaen ti imana;

Baliktadenna dagiti bantay manipud iti puonda.

10 Agaramid kadagiti pagayusan ti danum+ iti dakkel a bato;

Makita dagiti matana ti tunggal agkakapateg a banag.

11 Paderanna dagiti ubbog ti karayan

Ken iruarna ti nakalemmeng tapno makita iti lawag.

12 Ngem ti sirib—pakasarakan iti dayta?+

Ket sadino ti pagtataudan ti pannakaawat?+

13 Awan ti tao a makaammo iti pateg dayta,+

Ken saan a masarakan dayta iti sadinoman ditoy daga.

15 Saan a magatang dayta ti puro a balitok;

Wenno saan a mabaloran ti pirak.+

16 Saan met a magatang dayta ti balitok ti Ofir+

Wenno ti manmano a bato nga onix ken safiro.

17 Saan a maartapan ti balitok ken sarming;

Awan met ti maipada iti dayta a pagkargaan a naaramid iti puro* a balitok.+

18 Awan ti serserbi ti korales ken kristal no idilig iti dayta,+

Ta napatpateg ti sangasupot a sirib ngem ti sangasupot a perlas.

19 Ti topasio+ ti Cus ket saan a maipada iti dayta;

Saan a magatang uray ti puro a balitok.

20 Ngem paggapuan ti sirib,

Ken pagtaudan ti pannakaawat?+

21 Nailemmeng dayta kadagiti mata ti tunggal sibibiag+

Ken saan a makita dagiti billit iti tangatang.

22 Kuna ti pannakadadael ken ipapatay,

‘Damag laeng maipapan iti dayta ti nangngegmi.’

23 Ammo ti Dios ti dalan nga agturong iti dayta;

Isuna laeng ti makaammo iti ayan dayta,+

24 Ta makitana dagiti ungto ti daga,

Ken makitkitana ti amin nga adda iti baba ti langit,+

25 Idi inikkanna ti angin iti puersa*+

Ken rinukodna ti dandanum,+

26 Idi inkeddengna dagiti tiempo nga agtudo+

Ken ti dalan ti bagyo agraman dagiti ulep ken gurruodna,+

27 Iti daydi a nakitana ti sirib ket inlawlawagna dayta;

Pinataudna dayta ken sinubokna.

‘Kitaenyo! Ti panagbuteng ken Jehova—dayta ti sirib,+

Ken ti panangliklik iti dakes ket isu ti pannakaawat.’”+