Deuteronomio
32 “Dumngegka, O langit, ta agsaoak,
Ket denggen koma ti daga ti ibagak.
2 Agtinnagto a kas tudo ti instruksionko;
Agaruyotto a kas linnaaw dagiti sasaok,
Kas arbis iti rabaw ti ruot
Ken kas naruay a tudo iti rabaw dagiti mula.
3 Ta ipakaammokto ti nagan ni Jehova.+
Isarsaritayo ti kinanaindaklan ti Diostayo!+
5 Dagiti tattao ti nagaramid iti dakes.+
Saanna ida nga annak, isuda ti makimbasol.+
Nakillo ken dakesda a henerasion!+
Saan kadi nga isu ti Amayo a nangpaadda kadakayo,+
Daydiay nangaramid ken namagbalin kadakayo kas nasion?
7 Lagipenyo ti immuna nga al-aldaw;
Panunotenyo dagiti naglabas a henerasion.
Agsaludsodkayo ken amayo, ket ibagana kadakayo;+
Agsaludsodkayo kadagiti panglakayenyo, ket ipakaammoda kadakayo.
8 Idi inted ti Kangatuan ti tawid dagiti nasion,+
Idi pinagsisinana dagiti annak ni Adan,*+
Inkeddengna ti pagpatinggaan dagiti ili+
Sigun iti bilang dagiti annak ni Israel.+
Ken iti awan matagtagitaona a desierto nga ayan dagiti agtagtaguob nga animal.+
11 Kas iti agila a manggunggon iti umokna,
Agampayag iti ngatuen dagiti sibongna,
Ukradenna dagiti payakna sa alaenna ida,
Awitenna ida kadagiti payakna,+
12 Ni laeng Jehova ti nangiturturong kenkuana;*+
Awan idi ti sabali a diosna.+
Pinakanna ida iti diro manipud iti nangato a bato,
Ken lana manipud iti natangken a bato,*
14 Mantekilia ti gatas ti baka ken gatas ti karnero ken kalding
Agraman dagiti kasayaatan a* karnero,
Ken dagiti kalakian a karnero ti Basan, ken kalakian a kalding,
Agraman ti kasayaatan a* trigo;+
Ket imminumkayo iti arak manipud iti tubbog* ti ubas.
15 Idi limmukmeg ni Jesurun,* nagrebelde ket kimmugtar.
Limmukmeg, immakaba, ken bimmutittitka.+
Iti kasta, binaybay-anna ti Dios, a nangaramid kenkuana,+
Ket inumsina ti Dakkel a Bato a nangisalakan kenkuana.
17 Nagidatdaton kadagiti demonio, saan nga iti Dios,+
Kadagiti dios a dina am-ammo,
A nabiit pay nga adda
Ken di am-ammo dagidi ammayo.
21 Pinagpungtotdak* gapu iti awan mamaayna a dios;+
Pinagruroddak gapu kadagiti awan serserbina nga idoloda.+
Iti kasta, pagimonek met ida gapu iti awan serserbina a tattao;+
Pagrurodek ida gapu iti awan mamaayna a nasion.+
22 Ta ti ungetko nangpataud iti apuy+
A manguramto iti kaunegan a paset ti Tanem,*+
Ket ibusennanto ti daga ken ti apitna
Ken uramenna ti pundasion dagiti bantay
23 Paaduekto ti didigrada;
Ibusekto kadakuada dagiti panak.
25 Maulilanto dagiti adda iti ruar gapu iti espada;+
Mabutbutengto dagiti adda iti uneg,+
Agtutubo man a lalaki wenno babai,
Maladaga, ken ubanan a tao.+
26 Ibagak koma: “Iwarawarakto ida;
Ket saanton a pulos a malagip ida dagiti tattao,”
Amangan no ibagada: “Nangabakkami gapu iti bilegmi;+
Saan nga inaramid dagitoy ni Jehova.”
29 No la koma masiribda!+ Inutobda koma daytoy.+
Pinanunotda koma ti pagbanaganda.+
Malaksid no ti Dakkel a Bato inlakona ida+
Ken insuko ida ni Jehova.
31 Ta dagiti diosda ket saan a kas iti Diostayo, ti Dakkel a Bato,+
Naawatan daytoy uray dagiti kabusortayo.+
Makasabidong ti bungada,
Napait ti raayda.+
33 Ti arakda ket gita dagiti uleg,
Ti makapapatay a sabidong dagiti kobra.
35 Kukuak ti pammales, ken pannusa,+
Iti naikeddeng a tiempo, inton maigalis ti sakada,+
Ta asidegen ti aldaw a madidigrada,
Ket alisto a mapasamak ti pagbanaganda.’
36 Ta ukomento ni Jehova ti ilina,+
Ket maasianto* kadagiti adipenna+
Inton makitana nga awanen ti pigsada,
Ket daydiay laeng awan gawgawayna ken nakapuy ti natda.
37 Iti kasta, ibagananto, ‘Ayan dagiti diosda,+
Ti dakkel a bato a nagkamanganda,
38 A nangnangan iti taba dagiti datonda,*
Nga immin-inum iti arak dagiti datonda nga inumen?+
Tumakderda koma ket tulongandakayo.
Agbalinda koma a pagkamanganyo.
Mangpapatayak, ken mangbiagak.+
41 No patademek ti nasilap nga espadak,
Ken isaganak ti imak a mangukom,+
Balsekto dagiti kalabanko+
Ken dusaek dagidiay gumurgura kaniak.
42 Bartekekto dagiti panak iti dara,
Ken manganto ti espadak iti lasag,
Iti dara dagiti napapatay ken natiliw,
Iti ulo dagiti lider ti kabusor.’
43 Makipagragsakkayo iti ilina, dakayo a nasion,+
Ta ibalesannanto ti dara dagiti adipenna,+
Ket balsennanto dagiti kabusorna+
Ken abbongannanto* ti basol ti ilina.”
44 Gapuna, imbaga ni Moises ti amin a liriko daytoy a kanta iti sanguanan dagiti tattao,+ isuda ken Hosea*+ nga anak ni Nun. 45 Idi naibagan ni Moises amin dagitoy a sasao iti intero nga Israel, 46 kinunana: “Ipapusoyo ti amin nga ipakpakdaarko kadakayo ita nga aldaw,+ tapno maibilinyo kadagiti annakyo a tungpalenda a naimbag ti amin a sasao daytoy a Linteg.+ 47 Ta nakapatpateg kadakayo daytoy a sao ken kaipapananna ti biagyo,+ ken daytoyto ti mangpaatiddog iti biagyo iti daga a tagikuaenyo iti ballasiw ti Jordan.”
48 Iti daydi met laeng nga aldaw, kinuna ni Jehova ken ni Moises: 49 “Sumang-atka iti daytoy a bantay ti Abarim,+ ti Bantay Nebo+ iti Moab ken sumango iti Jerico, ket kitaem ti Canaan, nga itedko kas sanikua dagiti Israelita.+ 50 Kalpasanna, maitiponkanto kadagiti kailiam* iti bantay a sumang-atam, kas iti ipapatay ni Aaron a kabsatmo idiay Bantay Hor,+ 51 ta agpadakayo a di nagmatalek kaniak iti tengnga dagiti Israelita iti danum ti Meriba+ idiay Kades iti let-ang ti Zin, ta saandak a pinadayawan iti sanguanan ti intero nga Israel.+ 52 Matannawagamto ti daga, ngem saankanto a sumrek iti daga nga itedko kadagiti Israelita.”+