Napudot a “Showers” Mabalin a Napeggad iti Salun-atyo
“TI ‘SHOWER’ a napudot, ti panaglaba a maipaay iti pamilia wenno panaginnaw ti pinggan ti mabalin a makadangran iti salun-atyo, sigun iti maysa a panagadal a mangipakita a ti adu unay a makapataud-kanser a kemikal ti mabalin a makaruar manipud iti danum ti sangakabbalayan bayat iti inaldaw-aldaw a panangusar iti dayta. Ti pannakaisarang iti trichloroethylene (TCE), maysa a mangmulit iti danum iti uneg ti daga, ken ti chloroform, ti resulta iti panangikabil iti chlorine, ti mabalin a 50 a daras a nakarkaro manipud iti pananglang-ab iti alingasaw ti danum ngem iti inumen a danum, kuna ti kemiko a ni Julian Andelman iti University of Pittsburgh Graduate School of Public Health. Ti panagadalna ipakitana a dagiti napudot a showers, kas pangarigan, ti mangiruar iti agarup 50 porsiento a natunaw a chloroform ken 80 porsiento a natunaw a TCE iti angin. Para kadagiti tattao a kanayon nga adda iti pagtaengan, dagiti alingasaw manipud kadagiti makina a paglaba ken paginnaw iti pinggan ti mabalin a nakarkaro pay a pagtaudan iti pannakaisarang, kuna ni Andelman. Dadduma a panagannad: mabiit laeng ti panag-“shower” ken panagdigos, mangusar iti nalamlamiis a danum ken mangusar kadagiti exhaust fans a mabalin a mangiruar kadagiti alingasaw.”—International Wildlife, Enero/Pebrero 1987.