Maaddaanka iti Sirib
“Inwanwan ti Dios ti pannakaisurat ti intero a Kasuratan.” (2 Timoteo 3:16) Kaipapanan dayta nga inkabil ti Mannakabalin-amin a Dios ti pampanunotna iti isip dagiti nangisurat iti Biblia.
Kayat ti Dios a Magunggonaanka iti Siribna
“Siak, ni Jehova . . . Daydiay mangisursuro kadakayo tapno magunggonaankayo, Daydiay mangiturturong iti dalan a rumbeng a pagnaanyo. No laeng koma tungpalenyo dagiti bilinko! Iti kasta, agbalin ti talnayo a kas iti karayan, ken ti kinalintegyo a kas kadagiti dalluyon ti baybay.”—ISAIAS 48:17, 18.
Ibilangmo dagita a sasao kas personal nga awis ti Dios. Kayatna a maaddaanka iti talna ti panunot ken manayon a ragsak, ket matulongannaka a maaddaan iti kasta.
Maaddaanka iti Sirib ti Dios
“Masapul . . . a maikaskasaba . . . ti naimbag a damag iti amin a nasion.”—MARCOS 13:10.
Ti “naimbag a damag” ramanenna dagiti kari ni Jehova a pagpatinggaenna ti panagsagaba, pagbalinenna a paraiso ti daga, ken pagungarenna dagiti natay nga ipatpategtayo. Ikaskasaba dagiti Saksi ni Jehova dayta a naibatay-Biblia a mensahe iti intero a lubong.