ALFEO

1. Ti ama ti apostol a ni Mateo Levi, ti agsingsingir iti buis.​—Mt 9:9; Mr 2:14.

2. Ti ama ni Santiago a Bassit, ti maika-9 a nailista kadagiti 12 nga apostol. (Mt 10:3; Mr 3:18; Lu 6:15; Ara 1:13) Ti tinawid a kapanunotan suportaranna ti gagangay a patpatien ti adu nga eskolar a ni Alfeo isu met laeng ni Clopas (Jn 19:25), ket ngarud asawa met laeng “ti sabali pay a Maria.” (Mt 27:56; 28:1; Mr 15:40; 16:1; Lu 24:10) Ti mangilawlawag iti daytoy nagduma a nagan ket mabalin a gapu iti nadumaduma a pannakaibalikas ti ramut a sao wenno ti kaadda ti dua a nagan ti maysa a tao, a kadawyan kadagidi nga aldaw.