GIRGASEO, (DAGITI)

Bunggoy ti tattao a nagtaud ken Ham babaen ken Canaan. (Ge 10:6, 15, 16; 1Cr 1:8, 13, 14) Nagnaed dagiti Girgaseo iti laud ti Jordan. Nupay nabilegda, isuda ken ti innem a sabsabali pay a Canaanita a nasion naabakda, ta inyawat ida ni Jehova iti im-ima ti ilina. (De 7:1, 2; Jos 3:10; 24:11) Tinungpal daytoy ti kari nga impaay ti Dios ken Abraham adu a siglo a nasaksakbay. (Ge 15:13-21; Ne 9:7, 8) Dagiti nagan a “Girgash” ken “Ben-Girgash,” a masarakan iti Ugaritiko a literatura, ket nadakamat kas saan a direkta a pammatalged nga adda idi dagiti Girgaseo.