JAZIAS

[Kitaen Koma ni Jah; Nakita ni Jah].

Maysa a tao a nalabit nangsupiat iti singasing ni Esdras a ti annak ti Israel pagtalawenda ti ganggannaet nga assawada a babbai ken ti annak a naipasngay kadakuada; anak ni Ticva. (Esd 10:3, 10, 11, 15) Nupay kasta, naisingasing a daytoy nga isusupiat da Jazias ken Jonatan ket saan a maibusor iti singasing ni Esdras no di ket maibusor iti pamay-an a nasurot iti panangitungpal iti dayta. Sigun iti Griego a Septuagint ken Latin a Vulgate, timmulong ni Jazias ken ti sabsabali pay imbes a bimmusorda ken Esdras. Ngarud, ti maysa pay a pannakaipatarus ti Esdras 10:15 kunaenna a da Jonatan ken Jazias “isuda dagidiay nagtignay kas pannakabagi maigapu iti daytoy.”​—Rbi8 ftn; kitaenyo met ti KJ; AS, ftn; Dy; Kx.