JESAIAS

[Panangisalakan ni Jehova].

1. Maysa a Levita a kaputotan ni Moises iti linia ni Eliezer, ken inapo ti Selomot a dinutokan ni David kas maysa kadagiti tesorerona.​—1Cr 23:15; 26:24-26.

2. Maysa a Levita a musikero iti “annak ni Jedutun,” napili babaen ti binnunot kas mangidaulo iti maika-8 kadagiti 24 a bunggoy dagiti musikero nga inyurnos ni David.​—1Cr 25:1, 3, 15.

3. Maysa a Benjamita a ti adayo a kaputotanna nagnaed idiay Jerusalem bayat ti kinagobernador ni Nehemias.​—Ne 11:4, 7.

4. Pannakaulo ti sangakabbalayan ni Elam iti dasig ti amana, nga iti bunggoyna adda 70 a lallaki a nangkuyog ken Esdras iti panagsublina idiay Jerusalem.​—Esd 8:1, 7.

5. Maysa a Merarita a Levita a nagsubli met a kadua ni Esdras manipud Babilonia.​—Esd 8:1, 19.

6. Maysa a kaputotan ni Ari David; apoko ni Gobernador Zorobabel.​—1Cr 3:1, 19, 21.