TOB

Maysa a “daga” a nagturongan ni Jefte idi nagtalaw manipud iti kakabsatna iti ama. Inummongna idiay Tob ti maysa a buyot ti lallaki sakbay a kiniddaw kenkuana ti kakabsatna iti ama nga idauluanna ida iti pannakidangadangda kadagiti Ammonita. (Uk 11:3-11) Posible nga adda pay sabali a panangtukoy ti Biblia iti Tob no ti nagan nga Istob ket maipatarus a “lallaki ti Tob” iti 2 Samuel 10:6-8. (Kitaenyo ti AS, JP, RS, Rbi8 ftn.) Saan nga ammo no sadino ti eksakto nga ayan ti Tob. Nupay kasta, masansan a maikunkuna nga isu ti rehion a masarakan iti Taiyiba, agarup 60 km (37 mi) iti daya nga abagatan-a-daya ti Baybay ti Galilea.