ZACUR

[nagtaud iti sao a kaipapananna ti “lagipen”].

1. Maysa a Rubenita a ti anakna a ni Sammua ket maysa kadagiti 12 a managsimisim nga imbaon ni Moises idiay Naikari a Daga.​—Nu 13:3, 4.

2. Maysa a Simeonita a dagiti kaputotanna babaen ken Simei ket nagbalin a nakaad-adu.​—1Cr 4:24-27.

3. Maysa a Merarita a Levita; anak ni Jaazias.​—1Cr 24:26, 27.

4. Pannakaulo ti maikatlo a bunggoy dagiti Levita a musikero; anak ni Asaf, maysa a Gersonita. (1Cr 25:2, 10; 6:39, 43; Ne 12:35) Ni Zacur ket mabalin a naawagan iti Zabdi (Ne 11:17) ken Zicri.​—1Cr 9:15.

5. Maysa kadagiti nangibangon iti pader ti Jerusalem iti sidong ti panangidaulo ni Nehemias; anak ni Imri.​—Ne 3:2.

6. Maysa a Levita a nairepresentar kadagiti pirma iti tulag a panagmatalek a naaramid bayat ti kinagobernador ni Nehemias. Mabalin nga adda a mismo sadiay ni Zacur, wenno nalabit maysa kadagiti kaputotanna ti nangipirma iti naganna. (Ne 9:38; 10:1, 9, 12) Mabalin nga isu met laeng ti Num. 7.

7. Maysa a Levita a ti anakna a ni Hanan ti nakaitalkan ti umiso a pannakaibunong dagiti apagkapullo bayat ti kinagobernador ni Nehemias. (Ne 13:10-13) Nalabit isu met laeng ti Num. 6.